Internacional

Duana Hulanda Karibense ta interseptá droga den haf di Sint Eustatius


ORANJESTAD, St. Eustasius

Djárason, 5 di ougùstùs, Duana CN a interseptá un kantidat di narkótika den karga ku a drenta ku boto.

Durante di kòntròl di karga, un dama a mèldu pa buska karga destiná pe. Despues di un inspekshon global den e lots di karga situá den haf, a disidí pa bai ofer na inspekshon mas aleu den e kantor di Duana na haf. Esaki basá riba e kontenido di e kaha i e komportashon di e dama. Duana a bin topa ku 460 gram di mariwana i 190 gram di kokaina .

A konsiderá e dama komo un sospechoso i a detené na e sitio. Ta trata di e dama di inisial G.C.M.M., di 30 aña di edat. A pasa e sospechoso i e narkótika konfiská ofer pa koleganan di KPCN.

Eksportashon ilegal di lora protehá

Djaweps 6 di ougùstùs durante un patruya riba boto konhunto di Duana, Kmar i Wardakosta na Boneiru, a tene un kòntròl riba un boto lokal ku tabatin destinashon Kòrsou.

Durante di e kòntròl di duana aki a topa ku 2 lora chikitu, ofisialmente yamá ‘Geelvleugelamazone’ òf ‘Amazona barbadensis’. Na Boneiru e loranan aki ta protehá i ta prohibí pa eksportá esakinan. Duana a konfiská e paranan i pasa nan ofer pa Echo Bonaire.

E kapitan a haña un prosès ferbal for di kua posiblemente ta sigui un but pa eksportashon di un espesie di animal protehá.

Related posts

Diputado Elvis Tjin Asjoe :Investigacion den conpañanan anonimo di gobierno a keda cla

EA News Author

No tin ningun caso di COVID-19 na Boneiro

EA News Author

Deporte selfdefense bon atendi na Jong Bonaire

EA News Author

Leave a Comment