Den luna di sèptèmber último, Tourism Corporation Bonaire (TCB) a duna rekonosementu na 8 bishitante komo embahador di Boneiru den kategoria di bròns i oro.
Den kategoria di bròns a duna rekonosementu na Casey Straub ku ta bishitando Boneiru pa 10 aña i den mesun kategoria a honra tambe Claude Tritz huntu ku James i Shelly Funk pa nan 14 aña di bishita na nos isla.
Feneta di oro a keda otorgá na John i Linda Young, tambe Jacobus i Erna van Grootheest pa nan di 21 i 26 aña di bishita na Boneiru.
Pa TCB, Helen Mercera i Shanti Chirino a hasi entrega di e sertifikadonan i e fenetanan korespondiente na e embahadornan nobo.
