E pelicula mas bishita na Aruba den 2025, esta E Bruha, Bruha 1 a ricibi 5
nominacion pa cu e premio prestigioso “Kadushi di Oro” 25 di Krioyo Film Festival.
E impacto di e pelicula Arubano aki di productor Desiree Croes, durante di Krioyo
Film Festival 2025, tabata grandi y e hurado a eligi entre e miho nan di e festival. E
competencia ta entre produccion- y actuacionnan di productor- y actornan di Aruba,
Bonaire y Corsou.
E categorianan cu EBB1 ta nomina aden ta:
1) Miho Actris – Desiree Croes
2) Miho Actor – Addonsito Croes
3) Miho Actris di reparto – Yvonne Tromp
4) Miho Director – Desiree Croes
5) Miho Pelicula 2025 – E Bruha, Bruha.
E nominacion ta den gruponan di 2 y 3 y for di esakinan lo saca 1 ganador pa
categoria dia 29 di december proximo. E productor y actornan ta keda agradecido pa
cada nominacion cu ya caba ta un honor grandi. Tambe e crew ta felicita Omar
Harms y Jeng Leon pa e nominacion pa miho montahe den The Prime Ministers y
Michael Lampe pa su nominacion pa miho musica di fondo pa Tribute to Margareth
Abraham.
Comunicado Team E Bruha, Bruha
