Presidente di parlamento di Curacao Sra. Charetti America-Francisca a hiba palabra riba e prome dia di IPKO y a expresa su gratitud na e organisacion di e IPKO. Ta spera di ta bon cla cu tin e speransa cu tin kombersashon bon cu otro durante di e reunionnan di IPKO. E programa ta yen di topico interesante cu mester di nos atencion, un di nan sigur ta topico di clima.
Segun Presidente di parlamento di Curaçao Sra. Charetti America-Francisca, Curacao ta haña un presentacion di un experto cu a haci investigacion na Boneiro. Pa Curaçao esaki ta importante pasobra nos tin hopi cos en comun cu Boneiro den Caribe y naturalesa. Den e sentido ey sigur corsou lo por siña for di e presentacion cu a keda treci padilanti riab e situacion climatico, alabes tambe a tene na cuenta cu nunca ta laat.
Presidente di parlamento di Curacao Sra. Charetti America-Francisca ta duna di conoce cu e la keda inspira pa esaki y a duna un mensahe cu e mesun pensamento nan. P’esey nunca ta laat pa cambia, nunca ta laat pa mehora, nunca ta laat pa mustra bo miho parti.
Asina no ta laat pa crea un otro museo nacional di sclavitud, cu nos como imperio ta mas cu 150 aña laat, pero nunca ta laat. Ta den e mesun liña cu e intencion pa duna interpretacion tras di e coma di Prome Minister Sr. E Rutte. Nos mester sigui cu e vision aki y haci reparacion di loke a wordo comete door di e pasado di sclavitud y colonialismo den e comunidad den e parti Caribe di e reino.
E mundo ta haci hopi mas cos como consecuencia di cambio di clima e impacto ta baha e polucion y perdida di fuentenan di energia a sufri pa añanan, pero nunca ta laat pa haci un cambio positivo den esaki, Hulanda ta lider den esaki, pero for di Curaçao nos ta spera cu nos por beneficia di e conocemento tecnico cu tin na Hulanda. Curaçao a tuma e prome pasonan pa sirbi como lider den Caribe pa produci mas energia berde.
Un otro punto di preocupacion ta e situacion di e studiantenan na Hulanda cu ta bini di Caribe. Den e delegacion di Curaçao nos ta den contacto regular cu e studiantenan di nos region, y nan ta conta nos di hopi problema y dolor cu nan ta experencia. Punto di dolor manera discriminacion y prehuicio, adaptacion cultural, diversidad linguistico y isolacion social. Studiantenan di Caribe por keda isola pa falta di sosten di famia y amigonan cu ta leu.
Tin biaha e diferencia cultural y idioma por ta dificil pa haci amistadnan nobo y participa den actividadnan social. Ademas, e cas na Hulanda ta caro y ta un reto pa mayoria studiante di Caribe. Tambe tin presion financiero, studiando na Hulanda por ta caro specialmente pa studiantenan di Caribe. Studiantenan di Caribe por tin problema pa cumpli cu obligacionnan financiero manera placa di scol, huur, seguro y mantencion, tur esaki por trece stress y miedo pa un situacion financiero y por afecta nan presentacion na scol. E Ombudsman Nacional a haci hopi investigacion y a raporta riba esaki y no ta un situacion nobo y e ta conoci pa hopi aña caba, asina Presidente di parlamento di Curacao Sra. Charetti America-Francisca a enfatisa.
1 comment
[…] Source link […]