Pelea bao bachi cu dashi

Awe den oranan di merdia a tuma luga un pelea na rotonde di Watty Blv unda cu pa un motibo of otro dos homber a cuminsa bringa y dal otro basta pisa riba caminda publico. Trafico a keda paralisa un rato, pa asina por a presencia un pelea bao bachi cu dashi gratis riba rotonde. Hopi hende a laga e pelea sigui pero un ciudadano riba un scooter di bon curason a para pa trata di para e pelea , pero tambe a haya un paar di sla. Despues di basta rato e dos cabayeronan na preto a stop di bringa y a bandona e sitio. Sinembargo trafico a para y tur esunnan pega den trafico a gosa di un pelea live.