Dia 18 di maart Mientras cu Aruba ta celebra dia di Himno y Bandera, na Hulanda lo tin eleccion. E eleccion aki ta pa e provinsianan di Hulanda, unda ciudadanonan lo sali pa vota pa nan representante den nan propio provincia.
Durante e eleccion provincial, habitantenan di diferente barrio y municipio ta haya oportunidad pa scoge e representantenan cu lo representa nan interes den gobierno provincial. E representantenan scogi lo tuma decisionnan importante tocante desaroyo regional, infrastructura, medio ambiente y otro asunto cu ta toca bida diario di e comunidadnan.
Eleccion provincial ta considera un parti importante di e sistema democratico na Hulanda, pasobra e ta duna ciudadano nan bos den gobernacion regional y den e maneho di asunto nan cu ta afecta nan area directamente.
Autoridadnan ta anima tur ciudadano cu tin derecho di vota pa participa activamente den e proceso electoral. Den e eleccion aki na diferente stad nan na Hulanda tin diferente Arubianonan cu tambe a postula nan mes pa e posicion.