E aña aki e celebracion ta den signo di un logro historico special: 250 aña despues di e First Salute riba 16 di november 1776. Gezaghebber John Soliano ta presente na Sint Eustatius, hunto cu su esposa, pa representa Boneiro durante e conmemoracion special aki.
Dia 16 di november 1776, Sint Eustatius for di Fort Oranje a contesta saludo di e barco Mericano Andrew Doria. E momento historico aki ta conoci como First Salute (Prome Saludo) y nan ta consider’e como e prome reconocemento di bandera Mericano di parti di un nacion stranhero. Bou di e tema ‘The Statia Spirit Perseveres, Saluting 250 Years – E Spiritu di Statia ta Persevera, Saludando 250 Aña’, e aña aki Sint Eustatius ta celebra su historia y cultura rico, y resiliencia di su poblacion. E conmemoracion oficial ta tuma luga na Fort Oranje, den presencia di entre otro Rey Willem-Alexander.
Boneiro tambe ta celebra Cu presencia di gezaghebber Soliano y su esposa, Boneiro ta subraya e conectividad entre e islanan di Hulanda Caribense. Entidad Publico Boneiro ta expresa su aprecio pa historia, cultura y orguyo di e comunidad di Statia.
Entidad Publico Boneiro ta desea tur habitante di Sint Eustatius un celebracion bunita y significativo.Happy Statia Day!
