Di awor en adelanti kunukeronan por hasi fiansa barata. Entidat Públiko Boneiru a kuminsá un kolaborashon ku Qredits. Di e manera akí empresarionan den agrikultura posiblemente por haña un fiansa di maksimalmente $100.000,– kontra un interes di 2%.
Qredits ta ofresé fiansa komersial na Hulanda i na algun isla karibense den Reino. For di aña 2015 330 empresario (ku ta kuminsando) a hasi un fiansa na Qredits. Esaki a sòru pa 765 kupo di trabou.
Registrá pa un fiansa
For di awor empresarionan den agrikultura por registrá na Qredits pa un agro-fiansa: un fiansa pa kunukero. Mester paga un agro-fiansa bèk den maksimalmente 5 aña. Ta bini tambe un ‘Agri Business Academy’ kaminda kunukeronan por sigui treinen riba tereno di empresariado, inovashon i agrikultura.
Entidat Públiko Boneiru ta stimulá agrikultura
‘Normalmente fiansa komersial tin un interes di 10% òf mas’, segun diputado Thielman. ‘Ku e kolaborashon akí Entidat Públiko Boneiru ta duna akseso na finansiamentu. Di e manera akí ta stimulá agrikultura tambe komo un forma pa gana sèn. E programa di gobernashon di e momentu akí ta para pa un Boneiru sostenibel den un ambiente stabil ku ta riku na oportunidat. Forsa, identidat, kapasidat i nos propio ambishonnan pa nos isla ta forma e base.
Soño di kunukero ta bira realidat
Durante e kuater añanan tras di lomba Kolegio Ehekutivo a hasi esfuerso èkstra pa sostené empresariado. Kolegio Ehekutivo ta yuda hende pa kuminsá un empresa den diferente sektor, manera den sektor di agrikultura. ‘Hopi biaha kunukeronan tin mester di sosten finansiero’, segun Thielman. ‘Sèn èkstra pa hasi e empresa mas fuerte, pa kumpra mashin nobo òf pa hasi invershon. Awor akí ku Entidat Públiko Boneiru ta hasi e fiansanan mas barata akí posibel, pa hopi kunukero un soño ta bira realidat.’