Aruba Economic Development Alliance (AEDA) a yama un conferencia di prensa pa asina anuncia un proyecto importante pa Aruba. Un di e tareanan di Aruba Economic Development Alliance (AEDA) ta pa stimula e comunidad di San Nicolas pa por tin nan mesun negoshi.
Esaki por stimula e economia di San Nicolas, ta crea un fundacion economicamente diversifica, ta subi entrada di famianan, trece orguyo pa cu e comerciante y su famia y
ta pone ehempel pa futuro generacion cu nan tambe por tin e posibilidad pa tin nan mes un tienda.
Sr. Mark Levine ta lidera AEDA hunto cu un team local. AEDA ta un instancia priva cu su propio fondo. Mark tin experiencia den Desaroyo Economico den Caribe pa mas cu 40 aña. Mark a cuminsa traha na Aruba den añanan 70 y mas cu 30 aña pasa Mark a bin biba na Aruba. Hopi di su tempo na Aruba e la biba na San Nicolas.
Akinan ta menciona algun proyecto cu Sr. Levine tabata envolvi aden. Pa identifica kico comunidad di San Nicolas kier, a haci un sondeo extensivo. For di esaki algun deseo a wordo identifica cu AEDA lo por yuda e comunidad cu ne.
Hunto cu comunidad a crea un proyecto cu lo asisti cu lo siguiente : Aruba falta producto di diferente cultura cu ta representa nan
Herencia
* Deseo pa por tin propio negoshi
* Conocemento con pa maneha negoshi
* Gasto y huur halto pa por maneha un tienda ta stroba
progreso
* Mas oportunidad pa yega na fondo pa inverti
* Revitalizacion di Main Street San Nicolas
Stimula negoshi chikito ta primordial pa economia por desaroya. Esaki lo yuda cu:
*Boost economia di San Nicolas
* Crea un base pa un economia diversifica
* Aumenta entrada di comunidad di San Nicolas
* Subi e orguyo di e famianan di e doño di tienda
*Ta un ehempel pa futuro generacion tambe bira comerciante
* Crea mas oportunidad den Centro di San Nicolas
Abase di sondeo na San Nicolas a realisa cu e comunidad ta desea cu lo por tin mas productonan di nan cultura di origen. Esaki a trece tambe pa dilanti cu pa por realisa esaki lo mester tin oportunidad pa e comunidad di San Nicolas por habri nan tiendanan. Abase di e combinacion aki AEDA a crea e proyecto di Aruba Cultural Malls.
Proyecto ta encera cu a cumpra dos edificio den centro di San Nicolas. Esakinan lo wordo renoba y wordo uza como mall pa tienda chikito. Ta den tramite pa obtene un tercer edificio. E proyecto di Aruba Cultural Malls ta funda priva y Mark ta e unico inversionista. E motibo pa inverti den San Nicolas paso Mark y AEDA ta cere den e potencial di San Nicolas.
Pa e proyecto por funciona y duna oportunidad na comunidad di San Nicolas, AEDA lo ofrece huur hopi abou pa asina un shop owner potencial por tin oportunidad real por habri su mes un negoshi. Pa logra di baha e prijs di huur a dicidi di reduci e ganashi pa asina por logra su meta. E proyecto aki lo produci ganashi pero den un forma sostenibel.
Prijs di huur lo cuminsa na mas o menos Rond di AWG 850,- (excl.)
Gobierno di Aruba a responde positivo riba e proyecto y a ofrece pa asisti unda cu por.
Prome cu fin di aña lo cuminsa renobacion riba e prome edificio cu ta ex Cosecha. E main mall lo termina mid 2024 y mas tarda prome cu fin di 2024.
Un proyecto unda comunidad di San Nicolas lo beneficia di dje. Un parti di e Aruba Cultural Malls lo wordo uza como un espacio educacional unda comunidad di San Nicolas por haña curso riba diferente topico, incluso business ownership y financial literacy.
1 comment
[…] Source link […]