Eyemazy ta un “franchise” cu a cuminsa cu Robin Koch y Tobias Muller. Tur dos cu pasion pa fotografía a lansa na 2013 pa prome biaha na Alemania y asina a bira mas popular internationalmente. E tienda aki ta saca potret di bo iris y traha arte personalisa y unico di dje, paso cada iris ta diferente. Por tambe agrega efectonan unico na e arte y bo por ta sigur cu ningun no ta mescos. Un regalo perfecto pa un persona special of un recuerdo cu bo famia of amiganan.
Eyemazy a jega Aruba danki na propetarionan Olav Verbrugge, Suzanne Verbugge y Erick van Eps. Olav pa prome biaha a experiencia e concepto unico aki na Belgica unda e la keda impresiona. Erick Semper kier a habri un negoshi unda por a combina algo unico y autentico. Suzanne ta un fotógrafo renombra cu 30 aña di experiencia y semper ta cla pa un challenge nobo. Asina aki a forma e team pa por habri tambe na Aruba.
Eyemazy ta habri di diamars pa diadomingo di 4pm – 8pm na Paseo Herencia. E prome den Caribe y tin un tremendo team pa ricibi bo. Pa mas información bishita nan pagina di Facebook Eyemazy Aruba of nan página di Instagram Eyemazyaruba
