Na Teresita Center dokter Cesar Perez a elabora con importante un famia ta den bida di un adicto, sea cu e ta un persona di edad caba of cu e ta un hoben maner nan ta bisa nobo den wega. Na momento cu e hoben ya no por controla mas y cu e alcohol y e droga a bira un adiccion dificilmente e por sali di dje.
Pa esaki e mester di un ayudo, pero principalmente e sosten y amor di e famia. Dokter Cesar Perez ta specialisa tin un master den psikiatriata duna di conoce cu un famia ta e base fundamental pa rehabilitacion di un adicto.
Den famia un adicto mester di tur cos afecto, amor, cariño y tin un responsabilidad cu un persona por sinti riba dje. Si mester haci un comparacion di adictonan cu ta den rehabilitacion y esunnan cu tin famia y esunnan cu no tin famia den e proceso di rehabilitacion e proceso y diferencia ta hopi grandi, segun dokter Cesar Perez.
E adictonan cu tin famia casi 80 % ta logra su rehabilitacion exitosamente, sinembargo esun cu no tin famia ta hopi mas dificil y e trabao ta bira hopi mas largo pa por logra un rehabilitacion hopi exitoso. Pa dokter Cesar Perez Famia ta un base den proceso di rehabilitacion di e adicto su bida.
Na momento cu un persona a rehabilita y cu e ta bay cas pa sigui den e siguiente paso di rehabilitacion den su bida, dokter Cesar Perez ta indica cu e por keda bon pero e risico ta keda cu e por cay bek y na momento cu e ta den e proceso di recaida sin uza droga ainda e persona ta cuminsa protesta den diferente manera porehempel nan ta cuminsa manipula, yega cas laat, anda cu hende nan cu e no mester anda, cuminsa responde, bira agresivo, iritabel, cuminsa bay cu cosnan for di cas y si e ta trahando e ta cuminsa na yega laat na trabao y un dia ta yega y bisa cu e no ta bay traha mas.
Tur esakinan ta señalnan aunke cu e no a cuminsa uza droga ainda pero e ta bayendo den e direccion pa cuminsa bay uza bek. Den e proceso aki ta bon pa hibe den e fundacion bek pa asina e no cay pisa na un manera cu ta dificil pa e lanta bek.
Sinembargo importante ta cu famianan cu tin un persona cu ta adicto ta importante cu e famia ta tolerante y e prome punto cu ta importante ta pa tin hopi amor, dedicacion pa nan y mas importante mester tin hopi pasenshi.
Click aki bao like y share 