E scol di talento Filomena MAVO na San Nicolas, ta orguyoso di tin alumnonan cu apesar di ta hoben, sa di score cu nan talento riba diferente tereno.
E luna cu a pasa varios t’e alumnonan cu e scol ta pone den lus otorgando nan un regalo di aprecio pa nan logro.
For di man di e maestronan Raquel Lampe, Roan Petronia y Addonsito Croes, e alumnonan Jermaine Carty, Jaydrick Panneflek, C-Jay Emer, Jaylon Abath y Keondre Harrigan, a sa di score bon den e deportenan di futbol, basket- y baseball.
P’e parti artistico di canto, Lizienne Webb y Georvin Angela a ricibi un cariño tambe como cu nan a gana e festival Cantica di Caya 2023.
Filomena College MAVO ta un scol cu ta stimula mas cu nos por e talento unico di nos alumnonan.
