SocialFeaturedLocal

Holo di Incinerator na Dump ta hasi demasiado daño na Ciudadanonan di Simon Antonio

ORANJESTAD, Aruba

Despues di varios aña ta keha y yamando diferente instancia incluyendo cuerpo policial pa cu e effecto di e huma y holornan cu ta bin for di dump awe ciudadanonan a bolbe bin dilanti cu diferente keho pa cu e situacion na dump, parkietenbos. Ultimo a activa e incinerator cual awor no ta hasi ninguin cambio pa cu e holor dañino cu ta bini for di dump. E caso aki no ta un caso nobo mirando cu ya caba a bin varios estudio pa cu esaki. Comishon special a wordo lanta pa por investiga e asunto di dump, parkietenbos y e daño cu e ta causando na e ciudadanonan y barionan den bisindario. Pero esaki a keda sin resultado. Ta wordo bisa cu e holornan ta hasta yega te na bario di Noord. Cuidadanonan ta menciona cu na momento cu ta yama polis nan ta hari y tuma e keho como cu e no ta nada serio. Awor no ta solamente e ciudadanonan di Simon Antonio cu tin keho pero tambe e trahadornan di Serlimar mirando cu e holor ta bin net unda nan ta sinta. No por bisa si lo bin un solucion pero mientrastante cu mandatarionan ta deliberando pa cu e caso di parkietenbos pa añas e salud y bienestar di e ciudadanonan y awor trahador nan di Serlimar ta wordo affecta.

Related posts

Liña di telefon pa adulto mayor ta un necesidad pa nos grandinan

EA News Author

Gobierno di Boneiru a konmemorá tur víktima hulandes desde Segundo Guera Mundial

EA News Author

Anuncio di Motro : A fayece Sra. Candida Mackintosh-Brete

EA News Author

Leave a Comment

Whatsapp Message