Despues di deliberashon ku fiskal mayó i hefe di kuerpo polisial, gezaghebber a disidí di identifiká atrobe algún área komo zona ku riesgo pa seguridat. Esaki ta sosodé komo ku medida tumá anteriormente, ku tabata prinsipalmente dirigí riba prevenshon, no tabatin bastante efekto ainda pa redusí poseshon i uzo di arma (di kandela).
Motibu pa medida
E kantidat di insidente kaminda a hasi uso di arma di kandela, no a baha e aña akí. E insidentenan di wikènt pasá tabatin komo konsekuensia ku un víktima menor a perde su bida. P’esei ta nesesario pa tuma medida èkstra pa garantisá órden públiko i seguridat.
Área identifiká
E áreanan ku riesgo pa seguridat ta :
• Un parti di Playa
• Un parti di Antriol Pabou
• Antriol Pariba
• Nikiboko
• Un parti di Nort’i Saliña
• Un parti di Tera Kòra
Di 13 di yúni 2025 te ku 30 di sèptèmber 2025 e áreanan aki riba ta zona ku riesgo pa seguridat.
Listramentu preventivo
Den e zonanan identifiká fiskal ta outorisá pa listramentu preventivo. Esaki ta nifiká ku por listra tur hende den e áreanan akí sin ku ta nesesario ku tin sospecho pa hasi esei.
Liña di tep anónimo
Bo kompromiso ta importante pa éksito di e medidanan. Ta apresiá bo komprenshon i koperashon. Ta huntu so nos por traha na un Boneiru mas seif.
Bo tin informashon ku bo ke kompartí òf bo ke mèldu situashon sospechoso? Tuma e ora ei kontakto ku polis via 715 8000 òf via liña di tep anónimo 9310.