Featured Bonaire

Investigashon penal pa ku konstrukshon di bich di Chogogo Beach and Dive resort


Manera entretantu ta konosí pa algun tempu kaba tin un investigashon penal
andando tokante konstrukshon di un bich artifisial na “Chogogo Beach and dive resort” na Boneiru.

Ministerio Públiko (OM) a nota ku regularmente tin kobertura den medionan di komunikashon tokante di e investigashon aki. Resientemente tambe un artíkulo a paresé den medionan di komunikashon tokante di e kuestion aki, aparentemente ku motibu di un demanda presentá dor di OM na OLB.

Manera a menshoná kaba, OM ta investigando e konstrukshon di e bich artifisial na “Chogogo”. Den e konteksto aki, manera ta kustumber, ta kolektando tur e echo- i sirkunstansianan ku por duna klaridat ofer di e pregunta si posibelmente a kometé echonan kastigabel rondó di e konstrukshon di e bich aki. Pa ku esaki ta relevante pa investigá si, por ehèmpel, a otorgá un pèrmit òf no i si a otorgá esaki, na ki momentu a otorgá esaki. Ta lógiko ku e demanda aki a keda dirigí na BC di OLB, mirando ku ta BC OLB ta e outoridat ku ta otorgá pèrmit i por lo tanto lo tin e
informashon aki.

Mirando ku e investigashon ta kanando kétu bai, OM, den interes di e investigashon, no por duna mas informashon tokante di kontenido di esaki. Na momentu ku finalisá e investigashon, OM lo evaluá e resultadonan. Si nos konklushon ta ku probabelmente a kometé echonan kastigabel, nos lo evaluá si por determiná ken ta esun ku ta penalmente responsabel pa esaki i si ta bai ta
nesesario pa persekushon (mas aleu). Na momentu ku tuma e desishonnan aki, lo duna mas informashon.

Related posts

Lider di AVP, mr. Mike Eman En Memoriam Digna-Lacle Herrera

EA News Author

Colon a bin cu carga di 600.000 bari di ‘fuel oil’ pa almasena na terminal di Corsou

EA News Author

Pèst di porko afrikano ketu bai un menasa pa porko na Boneiru

EA News Author

Leave a Comment