Bonaire Internacional

Kampionnan mundial di wentsùrf di Boneiru


Luna di novèmber tabata yená ku tremendo prestashonnan di nos talentonan lokal. Tres koredó di wentsùrf Amado Vrieswijk, Taty Frans i Youp Schmit a representá Boneiru na Oropa den diferente kompetensia.

Tur tres a partisipá na e SOMWR 10 x Marignane PWA Grand Slam, un evento inovativo ku vários disiplina ku a trese henter e grupo grandi di atleta di PWA na  kosta di  Surfransia. Tur tres a bolbe kas ku premionan fantástiko i tur tres a alkansá un puesto den tòp 10:

Amado Vrieswijk: PWA World Tour Windsurfing Kampion Mundial Freestyle 2021.Youp Schmit: di sinku lugá den PWA World Tour i ganadó di e Tow-in Expression Session.Taty Frans: di nuebe lugá den PWA World Tour Freestyle.Na aeropuerto Boneiru a duna e kampionnan mundial un kaluroso bon biní bèk na kas. Nos ta sumamente orguyoso ku nan prestashonnan i nos ta spera ku pronto nos por mira mas viktoria grandi!

Related posts

Entidat públiko Boneiru ta tene resepshon di despedida pa Gezaghèber Rijna

EA News Author

Aruba ta bira un pais ku riesgo hopi haltu pa Kòrsou

EA News Author

Tourism Corporation Bonaire ta yama bon biní na agentenan di biahe di American Airlines

EA News Author

Leave a Comment

Whatsapp Message