Un multa di $30.000, 200 ora di labor boluntario i 1 aña di libertat kondishonal, mas daño i perhuisio, ta e kastigunan pidí den e kaso kontra di e eks director di Oil Trading Bonaire – OTB.
Duranti un auditrio kondusi aña pasa riba sospecho di malvershon den e kompania, a sali na kla ku entre januari 2014 pa desember 2018 e eks director a paga su mes un salario mas haltu ku a akordá ku ne, resultando den un suma di $300.000. Un ahuste di salario a wordu diskuti, pero nunka e desishon tabata final.
Despues ku a duna e eks direktpr un oportunidat pa reakshona riba e resutado di e investigashon, Gezaghebber Rijna a hasi un denunsia na Openbaar Ministerie pa mas investigashon, ku ta inklui labamentu di plaka tambe. Hues ta dikta sentensia dia 9 di desember.
