Minister di turismo a caba di ricibi resultadonan di turismo pa luna di september 2022. Un biaha mas den luna di september 2022 e cifranan a surpasa e nivelnan di mesun luna di aña 2019. Den luna di september 2022 Aruba a ricibi 78.261 turista.
Esaki ta un recuperacion di 106% den comparacion cu september 2019. Turismo ta sigui recupera, sigui crece y sigui surpasa nivelnan di aña 2019 cual sigur ta excepcional.
Turismo ta keda e driver principal di nos economia. Un danki na tur nos partner nan y sigur tur esnan cu ta labora den e industria cu ta brinda e tremendo servicio. Minister di Turismo ta kere cu trahando hunto nos tur ta hiba Aruba padilanti.