CuracaoFeaturedInternacional

Man-Pin ta kontentu ku gobièrnu no ta skohé mas pa terminashon di e seguro di ‘Ennia Leven’

Man Pin

Gobièrnu mester respetá i bin parlamento

Gobièrnu di Kòrsou i St Maarten huntu ku Banko Sentral a konkluí den un “hoofdlijnenakkoord ku no ta sigui e trayekto mas di likidashon (“afwikkeling”) di e kompania di seguro ENNIA Leven manera Minister President Pisas i Minister Cooper ( na number di Minister di Finansas a anunsiá anteriormente den Parlamento.

MAN-PIN a bin ta konsehá gobièrnu ku mester rekapitalisá e seguro ’Ennia Leven’ i evitá ku penshonadonan i futuro penshonadonan ta keda afektá dor ku ta kòrtá den nan entrada di penshun. Ta parsé ku despues di 3 luna gobièrnu di Kòrsou al final a konkluí meskos ku MIN-PIN, esta ku mester rekapitalisá ‘Ennia leven’ i salbaguardiá kupo di trabou i e penshun kompletu di klientenan.

Segun di Banko Sentral a anunsiá den su komunikado di 20  desèmber lo bini un “gedeeltelijke doorstart” di ‘Ennia Leven’ i ku ta garantisá ku lo no kòrtá den e penshunnan. MAN-PIN ta kontentu ku e rumbo aki i ta felisitá penshonadonan, futuro penshonadonan, trahadónan i sindikatonan. MAN-PIN a sali mustra gobièrnu bon kla ku terminashon di e kompania no ta un opshon manera gobièrnu anunsia anteriormente. 

Aworakí ta importante pa Gobièrnu i Banko Sentral mas lihé posibel duna informashon na klientenan, trahadónan i penshonadonan, pa nan por ta trankil. Ta Iimportante pa Gobièrnu splika kiko kemen e palabranan “gedeeltelijk doorstart” den e komunikado di banko sentral. Kiko kemen ‘sigui por parti ku e kompania’? 

Ya tin un reunion di parlamento ku ta pará habrí pa gobièrnu kaba di deliberá ku parlamento riba e pago bèk di debe di Corona i mará na esaki, palabrashon kon ta bai atendé ku e riesgo finansiero ku ‘ENNIA Leven’ ta representá pa nos pais.pl.Despues ku parlamento a hasi pregunta den promé tanda nunka mas gobièrnu a bini bèk parlamento pa kontestá preguntanan i responsabilisá su mes den e órgano demokrátiko mas haltu di pais ku miembronan eligí pa e pueblo di Kòrsou.

MAN-PIN ta hasi un yamada públiko i lo manda tambe un rekordatorio ofisial por eskrito pa presidente di parlamento pa mas promé ku fin di aña reanudá e reunion aki pa gobièrnu di forma transparente i respetando konstitushon di pais duna informashon detayá di e akuerdo ku a yega na dje. Manera Banko Sentral mes a informá den su komunikado, mester warda riba gobièrnu pa kumpli ku lei i reglanan di aprobashon, promé ku por pasa pa implementashon di e akuerdo ku a yega na dje. Den palabra kla, tanten gobièrnu no tin aprobashon di parlamentu, no por implementa e ‘Hooflijnenakkoord’.

Finalisando MAN-PIN ta spera ku Minister Presidente na nomber di Gobièrnu bin Parlamento bèk kontesta e preguntanan i splika e kambio di direkshon di “afwikkeling “ pa kontinua ku Ennia Leven.

Related posts

Lo sigui enfoca pa sigui hisa nivel di nos atletanan cu ta representa aruba den exterior

EA News Author

Sithree “Cey” van Heydoorn: Amtenarnan ta kara di e servisionan di Gobièrnu Ta p’esei mester duna nan e balor ku nan meresé…!

EA News Author

Innovacion ta sigui, conforme Minister Dangui Oduber su maneho! SVb a lansa MiSVb Trahado Mobile App

EA News Author

Leave a Comment

Whatsapp Message