BonaireFeaturedInternacional

Ménos plèstik den nos naturalesa despues di prohibishon di plèstik

Bonaire Plastic Free

International Plastic Free Day ta kai tur aña riba 25 di mei. Meta di e dia akí ta pa engrandesé konsientisashon tokante desperdisio di plèstik. For di tempu ku e prohibishon a bini na vigor, ta topa ménos biaha ku produkto di plèstik desechabel den naturalesa. Pa e motibu akí Entidat Públiko Boneiru ta sigui wak den direkshon di maneho pa gradualmente eliminá produktonan di plèstik desechabel.

Na Boneiru ta haña hopi desperdisio di plèstik tirá abou, tantu riba bich komo den nos barionan. Na aña 2020 por ehèmpel mas ku 70% di e desperdisio ku hende a laga atras na Te Amo Beach tabata konsistí di plèstik. Den dos aña di tempu nan a haña kasi 10.000 felter di sigaria (nan ta kontené plèstik) einan. Tambe nan a topa ku richi, kuchara, fòrki, kuchú, tayó i tapa di bòter di plèstik. Na aña 2020 na sitionan públiko nan a mira prinsipalmente richi, kùp i bòter di plèstik.

Pa yuda redusí desperdisio di plèstik na Boneiru, na aña 2022 un prohibishon di plèstik desechabel a drenta na vigor. For di 1 di yüni 2022 ta prohibí pa bende saku, richi, kos di drai bibida kuné, kuchu, fòrki i kuchara di plèstik. I for di 1 di ougùstùs 2022 ta prohibí pa bende baki di kuminda di fom desechabel. Esaki ta nifiká ku bo no por kumpra e produktonan akí mas den supermarket i ku nan no ta ofresé bo esakinan mas tampoko na restorant, bar, hotèl òf otro empresa.

Yuda tene Boneiru limpi!

Bo tambe ke yuda tene Boneiru limpi? Dia 25 di mei nos ta enkurashá tur hende pa mas tantu posibel evitá uso di plèstik desechabel. Preferibel hasi uso di produkto reusabel. Bai ku por ehèmpel bo propio bòter di awa òf kùp pa bebe kos aden. Si tòg bo ta hasi uso di produktonan desechabel, e ora ei tira e desperdisio di plèstik separá afó i den e baki di shushi korekto. Dia 25 di mei na diferente supermarket bo por haña un tas reusabel grátis ora bo gasta mas ku $50.

Nos ta orguyoso di nos isla i nos naturalesa. Huntu nos ta sòru pa un Boneiru liber di plèstik!     

#internationalplasticfreeday #boneiruliberdiplèstik

Related posts

Oportunidad pa entrega proposicionnan pa condecoracion real 2022

EA News Author

Comparti conocemento y experencia ta esencial pa trabou di conservacion y restauracion

EA News Author

Boto ku piscadonan ainda perdi riba lama

EA News Author

1 comment

Leave a Comment

Whatsapp Message