Den oranan di atardi e metalshark di wardacosta tabata patruyá den area di Paardenbaai.
Diferente notification a drenta encuanto un boto di bela chikito cu un persona riba dje, cu lo mester a bòltro.
Mesora e metalshark a bay brinda asistencia mesora.
Personal di wardacosta a localisá e boto di bela cu un persona masculino riba dje, 1 miya for di Paardenbaai. E persona tabata sintá riba e boto wardando ayudo yega. Metalshark a tuma e persona abordo y a tou e boto bek pa Nikki Beach.
