Featured Curacao Internacional

Militarnan ta brinda asistensha durante tormenta tropikal


Outoridatnan lokal di Kòrsou a hasi un petishon na Defensa, pa brinda sosten militar. E sosten ku a ser pidí ta e resultado di e ola tropikal ku sigun ta spera lo trese ku n’e áwaseru pisá, mal tempu i welek.  Huntu ku esaki lo bini un grado haltu di molèster tal komo inundashon i kayanan intransitabel. E sosten ta konsistí di sosten militar suave, pa medio di entrega di transporte i asistensha di emergensia ku lo ta stand-by.  E asistensha ta bálido di djaweps 22 di sèptèmber 19.00 or te ku e siguiente anochi 23 di sèptèmber 19.00 or.

Defensa tin disponibel vehíkulonan ku por kore den áreanan difísil pa yega. Durante e depreshon tropikal Bonnie a resultá ku pa motibu di áwaseru torensial, vários parti na Kòrsou no tabata aksesibel ku vehíkulonan normal. Defensa den tipo di situashonnan asin’aki por brinda asistensha na Kuerpo Polisial di Kòrsou den áreanan difísil pa alkansá. Den esaki Defensa tin aun mas material den kaso di yudansa agudo di emergensia, ku lo por ta útil.

Siman pasá Defensa a duna asistensha na Islanan Ariba, durante tormenta FIONA. Aki tambe tabata trata di asistensha militar pa medio di sosten di transporte Polisial. E asistensha na outoridatnan sivil ta un di e tres tareanan mayor di Defensa den Region Karibe Hulandes.

Related posts

Saba Splash Water na venta otro siman pa tur ciudadano , comerciant y organisacionnan

EA News Author

Ta importante pa tur hende conoce nan leynan y nan derechonan pa vota

EA News Author

Anochi Ku Luna Yen,  Na Kunuku di Elly Janga Ku tema “Kuenta i Storia “ di tatanan den kultura

EA News Author

Leave a Comment