Local

Minister Chris Romero a reuni cu Directornan di e Companianan Estatal cu ta na su encargo

Ejx7 Wqueaa Lfy

ORANJESTAD, Aruba

Reunion bastante interesante entre Minister di Transporte, Comunicacion y Sector Primario, sr. Chris Romero, y Directornan di e companianan estatal Arubus NV (Aruparking y Arutram), Setar NV, Telearuba NV, Post NV y ANSA NV. Durante e reunion aki, Minister Chris Romero a haya un actualisacion global di e plannan y ehecucion di proyectonan cu ta tumando luga den e Companianan Estatal aki.

Di su banda, Minister Chris Romero a keda sumamente satisfecho di mira e trabounan cu ta tumando luga na e diferente empresanan NV cu ta cay bou di su encargo. Por mira tambe e disponibilidad di e Empresanan Estatal aki pa realisa proyectonan den conhunto, cual ta representa un beneficio pa pa Pais Aruba. “Mi por a tuma nota cu e NV nan ta hopi interesa pa intercambia ideanan cu otro, pero tambe traha cu otro. E ta algo sumamente positivo pa mira cu e Companianan Estatal cu ta bou di mi encargo ta trahando hunto y na beneficio di nos comunidad”, e Titular di e Carteranan di Transporte, Comunicacion y Sector Primario a duna di conoce.

Reunionnan informativo di e indole aki lo sigui tuma lugar pa asina Minister Romero tin un bista directo di e vision y ehecucion di plannan cu a keda treci dilanti di parti cada compania den e ultimo temponan.

Ejx7 Wqueaa Lfy


Related posts

Pastor Marcel Balootje: Mal comportacion di mayor, ta haci yuinan rebelde

EA News Author

KVK – AHATA – ATIA – CUA: Un Parlamento responsabel ta acepta RAft

EA News Author

Entrante dialuna awor clientenan di DIMAS por paga permiso unicamente na un MFA

EA News Author

Leave a Comment

Whatsapp Message