Politica

Minister Dangui Oduber: Representantenan di Nacionnan Uni a keda impresiona cu e maneho actual

Minister Dangui Oduber 4

Dialuna atardi Minister di Turismo y Salud Publico sr. Dangui Oduber a ricibi bishita di sr. Paul Bekkers cu ta e representante permanente di Nacionnan Uni y otro organisacionnan internacional na Ginebra, Suisa compaña pa su reeplasante sra. Audry Gussen. Durante e encuentro aki Minister Oduber a toca diferente puntonan di interes. 

Den e combersacion e mandatario a enfoca riba e recuperacion breve cu Aruba tabata tin depues di e pandemia. A duna un bista amplio riba con nos turismo ta bayendo y e desaroyonan cu tin actualmente den nos turismo. Riba e tema di Salud Publico Minister a mustra sr. Bekkers riba tur e programanan di salud cu tin. Tur e programanan aki ta wordo haci conhuntamente cu Departamento di Salud Publico, Pan American Health Organization (PAHO) riba e standard poni pa World Health Organization (WHO). A mustra riba e hecho cu Aruba tin su plan nacional di prevencion di malesanan no transmisibel. Tambe a combersa riba locual ta e ecuesta di salud STEPS2023 cu nos ta hayando apoyo di PAHO.

Sr. Bekkers a mustra hopi interes riba e modelo di haci ganashi cu Aruba ta uza pa cu turismo, den e esaki Minister Oduber a dune un amplio splicacion y e la keda masha impresiona. Sr. Bekkers a elogia Minister Oduber pa cu e strategianan y tambe pa e modelo cu ta wordo uza cu ta e “High Value – Low Impact” caminda ta busca e balans entre busca e turistanan di calidad pero teniendo na cuenta cu nos medio ambiente.

Riba e area di Salud Publico sr. Bekkers a elogia Minister Oduber pa e bon trabounan haci pa locual ta malesanan contagioso (p.e. COVID) como tambe e malesanan no transmisibel. Tambe sr. Bekkers a elogia e systema di cuido universal cu nos tin, esta AZV. Nos ta e poco paisnan na mundo cu tin esaki y nos mester salvaguardie.

Finalmente e mandatario a duna gradicimento na PAHO, WHO, representantenan di Hulanda na Nacionnan Uni pa nan sosten ofreci durante e temporada di pandemia y actualmente pa cu e prevencion di malesanan no transmisibel.

Related posts

Diferente pregunta pa minister di enseñansa pa habri oportunidad di mas nivel na Aruba

EA News Author

Minister Glenbert Croes a reuni pa mira posibilidad pa socialisa tarifanan di awa

EA News Author

Minister Lampe a anuncia: Ta inverti 4.2 pa adapta enseñansa na Aruba

EA News Author

Leave a Comment

Whatsapp Message