Diahuebs ultimo Minister Endy Croes a bishita Sint Michaël School en conexion cu e scol su 65 aniversario. Presente na e encuentro social special aki tabata Parlamentario Alvin Molina, Staf Funcionario di SKOA, sr. Eduard Pieters, Inspectora di Enseñansa, sra. Marcia Paskel, Pastor Javier, ex cabesantenan di Sint Michaël School y demas invitadonan special.
Durante e ceremonia di celebracion Minister Endy Croes a hiba palabra na unda a gradici e maestronan pa e bunita trabou cu nan ta eherce di brinda enseñansa na nos muchanan. Un bon educacion ta e motor pa e futuro di nos pais. E mandatario a expresa palabranan di gratitud na tur e docentenan pa nan pasenshi, pasion y amor. Minister Endy Croes a expresa cu na unda e papia cu un docente den e poco tempo cu e ta ocupa e posicion di Minister di Enseñansa, e docentenan tin un pasion cu nan a scoge pa e funcion y e rason ta paso nan tin un amor pa traha pa e muchanan. Hopi biaha bo ta scucha cu ta di nan propio saco nan ta inverti den nan klas, pa tene e alumnonan contento brindandonan e oportunidad pa enseñansa. Palabra di gratitud den nomber di Gobierno di Aruba, no solamente di su persona pero sigur den nomber di Minister President Evelyn Wever – Croes, e mandatrio a expresa su felicitacion na e docentenan di antes cu a traha y aporta na e scol cu awe tin e derecho di existencia y pa hopi aña mas. Como tambe palabranan di pabien na cabesante di scol, sra. Valery Janga, alumnonan, maestronan. Despues di discurso di Minister Endy Croes e celebracion a continua unda cada klas a duna un bunita presentacion cu e alumnonan a prepara cu hopi amor y entusiasmo pa e invitadonan.
Concluyendo Minister Endy Croes ta gradici pa e invitacion y caluroso recepcion. Alabes ta felicita e scol cu e 65 aña di existencia muy special ta felicita e alumnonan cu nan excelente presentacion. Masha pabien. Enseñansa ta e yabi pa futuro!
