Den un anochi ameno na LG smith blv 128 a tuma luga inauguracion di un joint venture di Pachage 24/7 y Punto Mio dos compania cu a dicidi di uni cu otro pa asina duna e servicio cu abo como cliente tin mester pa yega na tur producto cu ta desea di exterior, principalmente di Merca.
Den e anochi special aki coordinador di Pachage 24/7 Mario Everon ta yama bon bini na su partner nobo Punto Mio Cpost Internacional NV cu desde awo lo traha hunto pa amplia e servicio pa haci online shopping pa tur esnan cu ta desea di haci pedido den exterior.
Pa CEO di Cpost International NV Jervhes Josephi ta un placer di ta na Aruba y cu a lansa oficialmente e servicio di Punto MIO hunto cu partner nobo Pachage 24/7. CPost ta e operado postal nacional na Corsou no ta simplemente un compania cu ta brinda servicio postal.
Durante di e ultimo decadanan Cpost na Corsou a bin ta diversifica nan mercado introduciendo servicionan nobo pa asina por crea entrada sostenibel y pa garantisa un bon servicio pa e comunidad cu ta exigi esaki. Punto MIO cu ta un servicio no postal pero ta un servicio renombra pa duna e cliente e espacio cu na momento cu ta desea di cumpra un producto den exterior via di diferente websitenan Mericano, Pachage 24/7 / Punto Mio ta e escogo perfecto pa onlineshopping.
E servicio di onlineshopping no ta solamente disponibel na Corsou, pero atrabes di su partnernan ta brinda servicio na e islanan BES cu ta Boneiro, Sint Eustatius , Saba, pero tambe na St Maarten y Aruba.
Adicionalmente Cpost ta brinda e servicio EuroMio cual ta facilita onlineshopping for di mercado di Europa cu un base na Hulanda. Tur e servicionan menciona lo ta pronto disponibel na Pachage 24/7 na Aruba.
Tambe Pachage 24/7 a haci posibel pa tur cliente di Punto Mio na Aruba ricibi Fun Miles y por haci uzo di e servicio, esaki kiermen mas bo shop mas Fun Miles por ricibi pero tambe tin e opcion pa uza e puntonan di Fun Miles pa paga bo pakete.
CEO di Cpost International NV Jervhes Josephi y coordinador di Pachage 24/7 Mario Everon ta orguyoso di mira compania estatal di Corsou Cpost NV y Pachage 24/7 un compania di Aruba uni forsa pa trece un servicio di calidad halto pa e pueblo di Aruba.
