ORANJESTAD,Aruba
Leynan di Ombudsman,Financiamento di Partido Politico y Screening di Ministers
Parlamentario Endy Croes a splika cu durante apertura di aña Parlamentario Gobernador a hiba u discurso elocuente. Banda di tabata un discurso cu hopi mensahe Gobernador a accentua algun leynan di importancia cu lo mester haña atencion den e aña Parlamentario cu a caba di habri esta 2020-2021.
/// Gobernador a menciona Ley di Ombudsman:
Berdaderamente tanto Hulanda desde 1982 pero tambe mas despues Curacao y St Maarten tin tanto e Ley y Bureau di Ombudsman esta Defensor di Pueblo inplace. Zulay van Poppel x Parlamentario di MEP a inicia desde 2005 cu e Ley aki y mas despues Evelyn Wever Croes a continua cu e Ley di iniciativa aki. Lamentablemente Evelyn no a logra haña cooperacion di Gabinete Eman den nan tempo y nunka e ley a wordo trata. Desde November 2017 Ley di Ombudsman cual ta ancra den programa di partido MEP y Evelyn Wever Croes a percura pa ancra esaki den e Acuerdo di Gobernacion Hunto pa Aruba. Esaki ta visibel riba pagina 6 di dicho Acuerdo di Gobernacion. Sr Ady Thijsen como Presidente di e Bijzonde Commissie a percura pa guia e comision hunto cu consehonan di tur expertonan, DWJZ , Kwartiermaker pa asina hasi e ley aki bira un realidad. Dia 9 di September un dia despues di apertura di aña Parlamentario pues net un dia despues cu Gobernador a acuentua riba e ley aki esaki a wordo trata y a wordo aproba unanimamente den Parlamento y awe ta un realidad. Palabra di felicitacion y gratitud na tur cu a duna nan granito de arena pa realisa esaki.
/// Gobernador a menciona Ley di Financiamento di Partido Politico:
Ley di Financiamento di Partidonan Politico desde 22 aña pasa Mito Croes (dfm) a papia riba dije pero nunka un concepto oficial a jega Staten. Igual na Ombudsman e Ley aki ta ancra den programa di partido MEP 2017-2021. Alaves a percura pa ancra esaki den e Acuerdo di Gobernacion Hunto pa Aruba firma pa MEP-POR-RED 2017-2021. Pues esaki ta reconfirma e prioridad corecto di e gobierno aki. Coleganan Edgard Vrolijk y Rocco Tjon a traha duro pa 2 aña riba e Ley aki y tin 2 conseho di Raad van Advies. A percura pa cumpli cu recomendacionnan di GRECO y Raad van Europa. E Ley aki net (2) dia despues cu Gobernador a expresa cu ta un deseo pa percura pa e Ley aki wordo trata e Ley aki a wordo trata y aproba unanimamente den Parlamento di Aruba. Pues Aruba tin su Ley di Financiamento di Partidonan Politico inplace awor. Pabien Na Edgard, Rocco, DWJZ, RvA y sigur Gabinete Wever Croes cu un otro logro grandi.
/// Gobernador a menciona Ley di Screening pa Ministers:
Un otro Ley cu Gobernador a menciona den su discurso durante apertura di aña Parlamentario tabata e Ley di Screening pa Ministers. Esaki mescos cu e dos leynan mas akiriba menciona tambe a forma parti di programa di partido MEP 2017-2020 y a percura pa e Ley aki tambe wordo ancra den Acuerdo di Gobernacion Hunto pa Aruba. Coleganan Edgard Vrolijk y Rocco Tjon di Fraccion di MEP ta bezig cu e Ley aki tambe y den luna di September esaki lo jega Parlamento. Cu gran probablilidad esaki lo wordo trata den September ainda of kisas inicio di October. Pues pa lokual ta trata e (3) Leynan di mas importante cu Gobernador a meciona den su discurso cu ta di vital importancia pa wordo trata pa cu den aña Parlamentario 2020-2021 mester bisa cu un total di (2) a wordo trata y aproba unanimamente e siman aki. Esaki ta muestra di seriedad di pone hechos tras di Bo promesanan y tambe ta confirma e caracter y compromiso di Gobierno pa crea transparencia den gobernacion, combati corupcion y brinda respet pa nos institutonan democratico.