ORANJESTAD,Aruba
NO MAS! NO MAS ! AVP no por paga pa pega borchi na Bo cas
Parlamentario Endy Croes a amplia riba e Ley di Financiamento di Partidonan Politico cual a wordo aproba unanimamente diahuebs ultimo den Parlamento di Aruba. Un Ley cu lo bay trese e level playing field den politica na Aruba, combati corupcion y duna tur partido y persona riba lista e fair chens pa campaña y wordo eligi. Di acuerdo cu Artikel 23 partidonan mester entrega un jaarverslag tur aña incluyendo un financieel verslag igualmente cada candidato mester entrega un verslag di nan entredanan.
/// E practica di AVP conosi pa cumpra votos awor ta pa pasado:
Partido AVP desde final di añanan 70 momento cu Henny Eman a tuma AVP over el a cuminsa cu e practica pa cumpra votos regalando personanan den nesecidad stoof, frigidiare, wasmachine. Tambe AVP tabata conosi pa pa paga cuentanan di awa y coriente pa cuidadanonan den dificultad y asina cumpra nan voto pa logra trese AVP bek riba mapa politico. Elecion na 1975 AVP a saca apenas 1777 votos bon pa 1 asiento mientras elecion na Juni 1977 AVP a saca 1200 votos y no a logra asiento. Pues Betico Croes y MEP tabata tin AVP morto morto criyoyo bisa “morto cacho”. Aki ta unda Henny Eman a drenta politica na 1978 pa tuma rienda over di partido AVP y a cuminsa cu practicanan corumpi di cumpra votos. Pues votosnan cumpra pa fabornan ricibi. Asina poko poko AVP a crese y logra drenta gobierno na 1986. Materialismo a vence Idealismo. Palabranan di nos Libertador. AVP despues a cuminsa paga hende pa pone borchi y bandera na nan cas pa influencia wowo di hende y move masa. Tur e practika nan aki di AVP awor ta pa pasado. Cu e ley di financiamento di partidonan politico esaki awor lo wordo controla severamente y lo castiga esnan cu faya.
/// Mike Eman a sigui cu e practika di su ruman Henny Eman:
Den aña 2001 bin ariba Mike Eman a tuma e partido AVP over for di Tico Croes. Sr Tico Croes ta sobrino di Atan Lee, kende a bay un elecion como Lider di AVP y a perde elecion formalmente. Aki Tico a wordo exigi pa baha como Lider y entrega Liderazgo na Mike Eman. X Lider di AVP, sobrino di Atan Lee, esta Tico Croes poko mas despues wordo condena strafrechterlijk den e caso di fraude di 50 miyon florin di Fondo di Desaroyo ( FDA) y mester a cumpli cu un condena di Hues trahando boluntario pa comunidad. Mike Eman a hasi pior cu su ruman Henny y a cuminsa tuma fabor y plakanan grandi for di comerciantenan internacional pa sigui cumpra votos. Actualmente tin un investigacion andando riba algun transferencia di 50 mil us dollar cu Mike a tuma for di Roberto Rincon net dilanti elecion na 2013. Pueblo ta corda e famoso cierre di campaña cu un lighting parade cu 13 banda musical anto FREE of Charges! Asina AVP a logra jega te hasta 13 asiento. E practikanan aki tambe awor ta wordo frena desde cu e Ley di financiamamento di partidonan Politico a drenta na vigor. E boxdo Panameño famoso awe den Salon di Fama Roberto “mano de piedra” Duran un biaha a grita durante un combate NO MAS-NO MAS! Pues e Ley aki tambe lo cubri NO MAS cumpramento di votos door di partido AVP!