Conoce nos historia ta conoce nos mes. E historia di Aruba ta un tesoro forma pa generacionnan di hende cu, cu nan esfuerso, sacrificio y perseverancia, a contribui na desaroyo di nos isla. Preserva e historianan aki ta un responsabilidad comparti, pasobra nan ta forma parti di nos identidad y ta yuda nos compronde miho unda nos ta bin y con nos por construi nos futuro.
Pa e motibo ey, como Parlamentario, nos kier felicita y expresa nos sincero aprecio na señor Edgar “Eddy” Ras pa publicacion di su buki “𝗪𝗶𝗹𝗹𝗲𝗺 𝗥𝗮𝘀𝗺𝗶𝗷𝗻.” Durante e presentacion na Biblioteca Nacional, nos tabata presente pa mustra nos aprecio pa e bunita trabou cu el a haci.
E buki ta conta e historia di e hoben Willem Rasmijn, kende a haya oro na Aruba, y di e gran keintura di oro cu e hallazgo aki a trece cune. Cu su investigacion y dedicacion, sr. Eddy Ras a duna Willem Rasmijn bida nobo y a rescata un parti importante di nos pasado.
Un obra manera esaki ta exigi tempo, pasenshi y dedicacion pa busca, analisa y transforma documentonan historico den un relato accesibel. E autor ta duna bida na informacion cu por keda cera den archivo y ta haci cu e ta bira parti di nos memoria colectivo.
Nos ta gradici sr. Eddy Ras y su rumannan pa nan esfuerso, y nos ta spera cu “𝗪𝗶𝗹𝗹𝗲𝗺 𝗥𝗮𝘀𝗺𝗶𝗷𝗻” lo inspira mas hende pa investiga y documenta e historianan di nan famia, bario y comunidad. Aruba tin ainda hopi historia cu merece wordo conta, y cada publicacion ta yuda evita cu nos memoria bay perdi pa semper.
𝗠𝗮𝘀𝗵𝗮 𝗽𝗮𝗯𝗶𝗲𝗻 𝘆 𝗱𝗮𝗻𝗸𝗶, 𝘀𝗿. 𝗘𝗱𝗱𝘆 𝗥𝗮𝘀, 𝗽𝗮 𝗱𝘂𝗻𝗮 𝗲 𝗵𝗶𝘀𝘁𝗼𝗿𝗶𝗮 𝗱𝗶 𝗪𝗶𝗹𝗹𝗲𝗺 𝗥𝗮𝘀𝗺𝗶𝗷𝗻 𝘂𝗻 𝗯𝗶𝗱𝗮 𝗻𝗼𝗯𝗼 𝘆 𝗽𝗮 𝗵𝗮𝗰𝗶’𝗲 𝗮𝗰𝗰𝗲𝘀𝗶𝗯𝗲𝗹 𝗽𝗮 𝗵𝗲𝗻𝘁𝗲𝗿 𝗻𝗼𝘀 𝗰𝗼𝗺𝘂𝗻𝗶𝗱𝗮𝗱.
