Con lo bo sintibo, si bo yega un lugar cu urgencia, pasobra bo mester di ayudo, y e persona cu mester yuda bo no tey of e ta cana yega ora e kier.
Cada biaha cu nos ta laat , nos ta mustra falta di amor y respet pa nos prohimo, pasobra nos ta wak nos propio interes solamente y no interes di otro nan.) Filipensenan 2:3-4)
Yegamento laat mientras cu otronan ta warda riba bo ta demostra falta di interes of falta di respet, of tin algo cu bo kier mustra cu bo no ta contento cune.
Pero yega laat , y haci manera bo ta indispensabel, ta flohera, ta bobedad, pasobra lo yega e dia cu otro hende lo hanja e encargo cu bo tin y na e momento ey lo bini rabia y yoramento.
E tempo no ta di nos, e tempo ta di Dios, y pasobra e tempo ta di Dios, nos tin cu husa e tempo concientemente pasobra e dianan ta malo.( Efesionan 5:15-16).
Ora un hende ta na tempo:
E ta demostra respet.
E ta demostra interes.
Hende ta hanja confiansa den su persona.
E presencia di e persona ta agradabel.
E ta bin na remarke pa hanja un posicion di autoridad.
Ora un hende ta laat tur momento.
E no por carga ningun puesto di autoridad.
Un hende asina no por tin ningun yabi pa habri porta.
E persona ey no tin interes den su trabao, y no ta respeta colega y superior.
Hasta na bo propio cas , bo mester zorg di ta na tempo , pa asina bo yuinan por mira orden den cas.
Un hende cu ta laat tur momento, ningun hende por depende riba dje.
Yegamento laat como parti di cultura ta un mentira diabolico.
No ta existi un nacionalidad cu ta indentifica su mes cu yegamento laat.
Hasta ora un hende ta donjo di un negoshi. E mester yega na ora , pa demostra cu e ta balora locual cu e tin.
Un mayor cu tur dia ta yega cas laat, no tin interes den su famia, especialmente su yiunan.
Ora tur dia bo ta yega cas laat , hasta malbado por controla bo.
Yegamento laat no ta algo pa broma, ni tampoco algo pa show cune.
Yegamento laat den cas di Dios.
Wak pa bo ta den cas di Dios na tempo, y wak pa tur cos cuminsa na tempo.
Pasobra ta for di Dios, nos ta ricibi tur cos, y nos mester duna respet y revererencia.
Haci tur cos decentemente y na ordo, no wak riba otro hende, wak pa abo tin temor di Dios.
Participa den e servicio completo, y no cierto parti, pasobra ora Dios ta bendiciona, e ta bendiciona completo.
No tin excuus pa un hende cu tur ora ta laat.
Yegamento na ora, ta un muestra di dominio propio ( Galationan 5:22).
Tur loke boso ta haci, haci boso trabao di curason, como pa Senjor y no pa hende.( Colosensenan 3;23).
Senjor lo no permiti pa e husto pasa hamber, ma deseo di e malbado E ta tira un banda.(Proverbionan 10:3).
Tur caminda cu tin ordo, tin decensia,tin respet y tin crecemento.
Orden ta demostra amor, pa locual cu nos ta haci, y tambe halsa nivel di nos produccion, y ta demostra sabiduria.
Responsabilidad ta wordo poni den man di esun cu ta respeta tempo, y ta comunica cu otro, pa nan tambe ta na tempo.
E binida di Cristo Hesus ta asercando, e dia ni e ora ningun hende no sa, pero nos mester ta prepara tur momento.