Local

Pastor Marcel Balootje: Hubentud busca Dios, sin Dios no tin bida

Pastor

Nos ta cuminsa duna e hubentud un palabra di encurashamento, pa nan sa cu Dios ta mira tur cos y Dios sa tur cos, y nada no por wordo scondi pa Dios, y cu Dios ta stima tur hoben.

Salmo 84 vers 11 ta bisa: Pasobra Señor Dios ta un solo y un escudo, Señor ta duna gracia y gloria, E no ta keda sin duna loke ta bon na esnan cu ta cana den rectitud.

Cual ta e beneficio di usa droga?

Cual ta e beneficio di horta?

Cual ta e beneficio di mata?

Cual ta e beneficio di vengansa?

Cual ta e beneficio di violencia?

Cual ta e beneficio di haci curazon duro?

Cual ta e beneficio di keda sin siña na scol y subi caya?

Cual ta e beneficio di no respeta bo mayornan?

Cual ta e beneficio di bira un adicto?

Cual ta e beneficio di un bida sin respet?

Cual ta e beneficio ora ningun hende kier ta bo amigo?

Cual ta e beneficio di bay cera cada rato?

Cual ta e beneficio cu unda cu bo bay bo tin di wak rond di bo pasobra tin hende ta buscabo?

Cual ta e beneficio cu cada rato bo tin huy pa polis?

Cual ta e beneficio di biba den mondi?

Cual ta e beneficio di pone bo mayornan yora?

Cual ta e beneficio di ta dilanti di juez cada rato?

Cual ta e beneficio ora bo no por haña trabao ningun caminda?

Cual ta e benficio cu ora bo drenta un supermercado e trahadornan ta cana bo tras te ora bo sali?

Cual ta e beneficio ora ningun hende ta confiabo?

Cual ta e beneficio di cana hole malo sin baña djis pasobra bo ta rebelde? 

Cual ta e beneficio di cana cu arma di candela of otro tipo di arma?

Cual ta e beneficio di muri jong?

.Den maldad no tin beneficio, no tin futuro, ni tampoco paz y trankilidad.

E momento cu bo a nace e partera of dokter a bisa a nace un mucha homber of un mucha muher, ningun momento a wordo menciona cu a nace un ladron, un bendedor di droga of un matado, abolutamente  tur esey ta propio escogencia.

Si bo tata ta bebe of droga , abo no tin obligacion di haci mesun cos, dicon bo tin di haci net locual ta malo y bo no busca bon pa haci.

Studia pa bo bira un dokter pa berguensa tur esnan cu ta papia malo di bo tata desmostrando, cu aunke bo tata ta bebe of droga abo a bira un cirugano profesional, pasobra ta esey ta e proposito  di Dios pa bo bida.

Cada hoben cu ta cana den scuridad, cu arma ,y  droga  no ta cana den boluntad di Dios pasobra esey no ta plan di Dios pa bo bida, Dios su plan ta pa bo tin bida y bida na abundancia, no pa bo biba un bida di berguensa y trastorno.

Efesionan Capitulo 6 vers 1-4 ta bisa: Yuinan obedece boso mayornan den Señor, pasobra esaki ta husto. Honra bo tata y bo mama( Cu ta e prome mandamento cu promesa) pa bay bo bon y pa bo tin bida largo riba tera.

Boso tatanan no provoca boso yuinan na rabia, ma lanta nan den e disiplina y instruccion di Señor.

Esun cu no ta stima no conoce Dios, pasobra Dios ta amor. Nos ta stima pasobra E a stima nos prome.(1Juan 4:19).

Related posts

Marisol Lopez Tromp ta eixigi claridad pero nunca el a duna claridad den caso Flamingo despues di acusacionnan haci

EA News Author

104 scol a participa na weganan escolar y 40 scol a cualifica

EA News Author

Aruba tin ley di cacho y no ley di pushi

EA News Author

Leave a Comment

Whatsapp Message