Local

Pastor Marcel Balootje: Nos tur mester tin un bida di oracion


Oracion hopi biaha ta wordo neglisha, hende ta lubida riba Dios.

Pero Hesus a bisa cu tur locual nos pidi Tata den Su nomber, Dios lo hacie pa nos.

Asina ta para scirbi den Mateo capitulo 18:19 ; Atrobe Mi ta bisa boso, cu si riba tera dos di boso bay di acuerdo, tocante di cualkier cos cu nan pidi, esaki ta wordo haci pa nan door di Mi Tata cu ta den cielo, pasobra caminda dos of tres reuni den Mi nomber ey Mi ta meimei di nan.

Un bida di oracion na Dios ta un obligacion pa nos tur, pasobra ta den Su nomber so nos por reuni y sin un bida di oracion nos bida no tin direcion, y enemigo ( diabel) ta probecha di esey tur dia.

Nos ta mirando con maldad ta avansa y nos tur ta mira dia pa dia con emocion ta hiba na sensualidad, y sensualidad ta hiba na inmoralidad, pero e unico cu por yuda nos ta oracion, pasobra Hesus mes a bisa den Lucas 22:40 : haci oracion pa boso no cay den tentacion.

Cuanto hende no ta wordo domina door di emocion cu ta pone nan rabia, y comete acto di violencia?

Cuanto hende pa medio di sensualidad no ta drenta inmoralidad,adulterio,y cuanto no ta yega na  abuso sexual, y violacion?

Pero pa tur e cosnan ey nos tin oracion pa kibra cadena di maldad, pasobra tur hende mester sa cu e unico nomber den cual bo por reprende satanas y tur su demoñonan ta den nomber di Cristo Hesus.

Ta esey ta e unico nomber cu tin poder riba scuridad, y dominio di maldad..

Hende ta mas preocupa cu nan mes y no ta busca cara di Dios, nan ta pensa cu nan mes tin solucion pa tur cos pero e palabra di Dios ta bisa nos den Proverbionan 28:26 : Esun cu confia den su mesun curason ta un bobo, ma esun cu cana cu sabiduria lo wordo libra.

2 Timoteo capitulo 3 vers 1-9 ta papia di tempo trabahoso, y ta demostra na nos tur locual hende cu no tin temor di Dios lo haci, y tambe esnan cu no ta tuma e palabra di Dios na serio lo haci bofon.

Ni placa, ni titulo, ni e funcion di mas halto cu nos por logra , lo no por reemplasa e presencia di Dios, pa nos bida, y si nos kier e presencia di Dios den nos bida nos mester tin un bida di oracion.

Oracion ta nos contacto cu Dios, caminda nos ta pidi intervencion di Dios, pa e tuma control, pasobra nos tin di admiti cu nos  mester di Dios den nos bida.

Nos ta mirando hopi cos desastroso ta pasa rond di nos , cuanto malesa,maldad  y destrucion, cuanto envidia y malisia, pero tene cuenta cu pa medio di oracion nos por vence tur obstaculo.

Den Lucas capitulo 21 vers 34 + 35+36, Cristo Hesus ta splika bon cla kico ta sperando e mundo aki, pero tin algo cu Hesus a enfatisa bisando: Ma keda alerta tur ora bay haciendo oracion pa boso por tin forsa pa scapa di tur e cosnan aki cu ta bay tuma lugar y pa para dilanti di e Yiu di hende.

Nos mester bolbe bek na e oracion di famia, caminda tur hende ta sinta na mesa y haci oracion un pa otro, y pidi otro depensa y pordona otro esey ta boluntad di Dios.

Related posts

Juez a rechaza Peticionnan pa beneficio personal di sra. Balentina

EA News Author

Pa aña 2021 pueblo di Kòrsou tin su mes sédula

EA News Author

Programa di gobernacion 2021-2025 : Ministerio di enseñansa y deporte

EA News Author

Leave a Comment