Local

Pastor Marcel Balootje: Pensamento negativo, ta trece actitud negativo, y un bida amarga

Pastor

Locual ta domina bo pensamento, ta domina bo bida, si un hende hinca den su cabes cu e lo no logra, e no ta bay logra. Pero na e momento cu e hinca den su cabes cu Fe den Dios, y cuminsa esforsa su mes, e ta bira un persona cu ta pone cosnan sosode.

Pensamento negativo ta bini di e tata di mentira cual ta satanas, pensamento negativo ta cologa den aire mescos cu nubia, wardando esun cu lo acepte, y cuminsa haci cosnan robes.

Si un hende desea algo negativo pa bo bida, no perde tempo,pasobra ta bo mente ta dicidi si bo ta  rechase, y trapa riba dje demostrando cu bo ta yiu di Dios, y cu ningun arma forma contra bo lo no prospera (Isaias 54:17).

Hobennan ta wordo hopi influencia, door di supuesto agentenan di scuridad, tanto personal, spiritual, como via telefon of internet y tv, pasobra nos tin di tuma na cuenta, cu cada pensamento cu ta yega na un hoben, pa droga, bebe, cana cu arma, bringa, y hasta matamento y bruheria ta un pensamento diabolico, y ta leu for di boluntad di Dios.

Cada pensamento cu ta pone un hoben, keda sin honra su mayornan ta un pensamento di rebeldia, cu ta traha contra e hoben su crecemento y ta daña su relacion cu Dios.

Cada biaha cu un mayor ta pone su yiu rabia, door cu e mayor no ta actua responsabel,e ta trece pensamento negativo den bida di su yiu.(Efesionan 6:1-4)

!! Pasobra for di curason, ta sali pensamento malo,matamento,adulterio, fornicacion,ladronicia,testimonio falso,calumnia. Esakinan ta cosnan cu ta contamina hende(Mateo 15:19-20),

***E bon hende, for di e bon tesoro di su curason, ta saca loke ta bon, y e mal hende, for di e mal tesoro, ta saca loke ta malo,pasobra for di e abundancia di curason su boca ta papia.( Lucas 6:45).

Aki nan nos por mira cu ta masha importante pa hobennan sa ken nan tin di scucha di dje, cu ken nan mester tin amistad, pasobra e palabra di Dios ta bisa:

*** No laga ningun hende gaña boso: Mal compania ta daña bon custumber.( 1 Corintionan 15:33)

Un hoben por ta bon cria, cu tur respet y desencia na su cas, pero hende cu e ta anda cune riba caya , na scol of na trabao,cantica cu e ta scucha y video cu e ta wak, si nan ta malo, nan por contamina su bida.

Pensamento negativo semper ta bay contra Palabra y Principio di Dios, y ta lanta orguyo, rabia y amargura den curason di hende.

E diabel ta rey di esnan orguyoso y cu tin curason halsa, pesey den Proverbionan 6:16-19 ta para scirbi e cosnan cu Dios ta odia, cu ta contene pensamentonan negativo.

Pero tambe Dios ta proclama cu E ta stima hende humilde di curason, pasobra hende humilde ta depende di Dios, y nan confiansa ta den Dios, y nan pensamentonan ta dirigi riba e palabra di Dios ( Filipensenan 4:8),

Nos ta bibando den un tempo cu nos tur ta testigo di dje segun 2 Timoteo 3:1-5 cual ta wordo yama tempo trabahoso, caminda claramente por wordo mira cu si nos mente no ta fiha riba Cristo Hesus, cosnan negativo lo contamina nos bida.

No ta importa con bon studia bo ta, ni tampoco bo posicion, semper lo tin un pensamento negativo pa bo, tratando di desvia bo mente for di e berdad di Dios.

Pero cu un mente fiha riba Cristo, y un curason cu ta anhela presencia di Dios nos lo vence.

Related posts

Huramentacion miembro nobo Raad van Advies

EA News Author

Premier Evelyn Wever – Croes: Hoben pelotero Chadwick Tromp a presenta plan pa desaroya un centro di deporte na Aruba

EA News Author

Gremio sindical y comercial ta uni pa cuestiona tarifa halto di awa y coriente

EA News Author

1 comment

Leave a Comment

Whatsapp Message