Local

Pastor Marcel Balootje: Tur hende mester kere den cristo hesus pa nan salbacion


Tin hende ta bisabo, nan tin nan manera di kere den Dios, of nan ta sirbi Dios manera nan kier, of nan ta sirbi tal y tal Dios, of  Dios no ta existi.Nan ta kere den universo y lubida cu ta Dios a traha universo. Tur eseynan ta excuus y scuridad..

Tin hopi expresion cu ta haci bo tristo ora hende ta ninga Dios y pone na fe den locual no ta berdad, y asina nan ta sirbi e enemigo sin cu nan sa, of nan sa masha bon , pero no kier arepenti y asina entrega na Dios..

Awor ta tempo pa tur hende tuma nan decision, pasobra e oloshi ta sigi cana y e binida di Cristo Hesus ta serca, nos tur mester ta prepara pasobra e dia ni e ora ningun hende no sa.

Salmo 14:1 ta bisa: E bobo ta bisa den su curazon no tin Dios, aki nos ta mira cu ora un hende ta bisa no tin Dios ta un señal di bobedad, pasobra nos no por compara sabiduria di universidad cu temor di Dios,. y es mas ainda ta un señal cu e persona ey ta den scuridad.

Juan 3;18 ta bisa: Esun cu kere den dj;E no ta condena, esun cu no kere den dj’E ya ta condena caba, pasobra e no a kere den e nomber di e Yiu unigenito di Dios.

Esey ta nifica cu tin un condena ta spera tur esnan cu no ta kere, of no kier kere den e Yiu di Dios.

E condena ta cu nan lo no drenta Su reino, nan lo bay perdi, esey ta nifica cu lo no tin bida eterno serca Dios pa nan, pero ta spera nan bida eterno de fierno.( Lucas 16:19-31)

Por ta e ta zona hopi fuerte pero nos kier splica bon cla, pa hende no haci wega cu salbacion. 

Awendia pa tur tipo di trabao, titulo y posicion ta exigi pa  pasa un screening, awel e pregunta ta? Abo a pasa e screening di Dios pa bida eterna, Abo tin Cristo Hesus den bo bida como Señor y Salbador? Esaki ta e cos di mas importante den nos bida.

Dios a duna tur hende e oportunidad igual pa salbacion pasobra Cristo Hesus a muri pa nos tur.

Y a keda na nos pa haci lo siguiente: 

Romanonan 10:9+10. Cu si bo confesa cu bo boca Jesus como Señor y kere den bo curason cu Dios a lant’E for di mortonan lo bo ta salba, pasobra cu curason hende ta kere pa haña husticia y cu boca e ta confesa pa haña salbacion.

Hesus a bisa Ami ta e caminda , e berdad y e bida, ni un hende no ta bin serca e Tata si no ta medio di mi.

Tin hopi caminda cu ta parce bon, pero nan final ta tristesa.Tin hopi hende awendia ta sigi ciencia, y hopi otro cosnan cu ta hiba nan den caminda di anti-cristo, pasobra cada dia nan ta aleha mas for di e unico berdad cu ta Cristo Hesus. No laga ningun hende gaña boso.( 1 Corintionan 6:9-10) 

Hesus a bisa den Juan 8:24 : Pesey mi a bisa boso, cu boso lo muri den boso picanan , pasobra si boso no kere cu Ami t’E, boso lo muri den boso picanan.

No tin ningun hende riba mundo cu a discuti cu Dios y a gana,y awor a yega e momento pa entrega y kere den Cristo Hesus pa bo salbacion.

Related posts

Programa cu accento riba negoshinan cu kier crece Kvk Ta Invita Un Y Tur Na E Prome Evento Pa 2020: Business Plaza – Step Forward!

EA News Author

Cambio di meerjarenplan den pasado door di AVP a causa un desaster social cu mester di atencion urgente

EA News Author

Minister Dangui Oduber: Trabounan mester sigui apesar di Covid-19

EA News Author

Leave a Comment