Featured Bonaire Internacional

Plèstik desechabel ta prohibí for di 1 di yüni


E prohibishon pa plèstik desechabel ta kuminsá dia 1 di yüni 2022. E prohibishon akí ta konta pa tur hende na Boneiru ku ta bende òf duna plèstik desechabel. Plèstik desechabel ta produkto di material sintétiko ku hende ta tira afó despues di a usa nan un biaha so.

 

For di 1 di yüni ta prohibí pa bende òf duna e produktonan akí di plèstik desechabel na Boneiru:

  1. Saku di plèstik (saku trahá di material sintétiko òf bioplèstik, ku òf sin man pa ten’é)
  2. Kuchara, fòrki, kuchú i otro produktonan di material sintétiko òf bioplèstik ku bo ta usa pa kome kuné
  3. Richi pa bebe kuné
  4. Kos pa drai bibida kuné

 

E prohibishon ta konta pa tur tipo di material sintétiko ku ta intenshoná pa usa un biaha so. Pa e motibu akí material sintétiko ku un base natural (bioplèstik) tambe ta prohibí. Meskos ku plestik normal, bioplèstik no ta deskomponé den naturalesa.

 

Supervishon

Direktorado di Supervishon i Mantenshon di Lei ta mira ku ya kaba hopi negoshi ta tene nan mes na e prohibishon. Nos ta haña importante ku negoshinan ku ainda ta usa plèstik desechabel tambe ta kambia rápidamente pa algu alternativo.

 

Pa e motibu akí supervisornan di Direktorado di Supervishon i Mantenshon di Lei ta bai kontrolá mesora den luna di yüni. Nan ta hasi esaki prinsipalmente serka negoshinan ku ta usa hopi plèstik desechabel. Negoshinan ku keda usa plèstik desechabel ta haña un atvertensia promé durante un kòmbersashon. Na momentu di un di dos kontròl ta sigui un atvertensia riba papel. Si ketu bai e negoshi ta sigui usa plèstik desechabel, e ora ei ta sigui un trayekto di mantenshon atministrativo formal. Esaki ta nifiká ku e negoshi por haña un but.

 

Konseho Insular a aprobá e ordenansa insular pa e prohibishon akí dia 19 di òktober 2021. Tira un bista den e ordenansa i lesa mas informashon tokante e prohibishon di plèstik desechabel riba nos wèpsait www.bonairegov.com.

Related posts

E fecha final pa paga impuesto di vehiculo di motor ta 2 di augustus 2021

EA News Author

Parlamentario Endy Croes: IPKO 2021 ta na Bonaire Diadomingo a inicia reunion Tripartid entre Aruba, Corsow y St Maarten

EA News Author

Casi 1000 persona a haya nan vacuna of booster shot

EA News Author

Leave a Comment