ORANJESTAD,Aruba
Un poco prome cu e TOQUE DE QUEDA, polis tabata tin man yen cu anti-socialnan . Ta asina cu a polis a detene dos sospechoso na un mondi na Pindastraat. Esaki ta relaciona cu kier a cende candela.
Na mes momento patruya di San Nicolas a bin topa cu un auto poniendo obstaculo riba caminda na altura di Elmar NV na Pastoor Hendrikstraat. Polis a logra detene e chauffeur y un persona mas .
Cuerpo Policial kier a recorda cu ora ta papia di TOQUE DE QUEDA ta algo hopi serio y mester cumpli cu esaki.
TOQUE DE QUEDA kiermen no ta permiti pa abo ta riba caya. Abo como cuidadano keda bo cas.
E TOQUE DE QUEDA ta cuminsa di 9or di anochi te pa su mayan mainta 6or. Y tin un multa maximo di afl 10.000.