Kuerpo Polisial Hulanda Karibense (KPCN) ta introdusí
dos Polis di Bario nobo na Boneiru pa e bario di Antriol i Playa.
Victoria Melaan ta e Polis di Bario nobo di Antriol. Su área di trabou ta
Antriol, Antriol Pabou, Antriol Pariba i Bario Mexico. Victoria tin 17 aña
trahando komo polis na Hulanda Karibense. Anteriormente e tabata aktivo
pa 3 aña komo e Polis di Bario di Saba. Despues di a regresá Boneiru na
aña 2024, e tabata dirigí patruyanan di polis. Awor e ta forma parti atrobe
di e tim di Polis di Bario i ta enfoká su mes di nobo riba koperashon
direkto ku habitantenan i partnernan den bario.
Jorge Wanga, mihó konosí komo Toy, ta e Polis di Bario nobo di Playa.
Su área di trabou ta Playa, Playa Pariba, Playa Pabou, Kaya Industria i
Kaya Hulanda. Jorge tin 18 aña trahando komo polis i te ku awor el a
traha 9 aña komo Polis di Tráfiko, di kua e tabata enkargá ku konseho i
investigashonnan di tráfiko.
Victoria i Jorge ta asumi e ròl aki ku entusiasmo. Nan ta sigui Victoriano
“Iby”Statie (Antriol) i Ronald Schleper (Playa), ku a baha ku penshun
despues di un karera largu i dediká.
Konosé e Polis di Bario
Den e próksimo periodo, Victoria i Jorge lo ta aktivo den nan bario i via
medionan di komunikashon. Habitantenan por tuma kontakto for di awor
kaba ku nan Polis di Bario via meil òf dor di yama warda di polis i pidi pa e
Polis di bo bario.
E otro Polisnan di Bario ta sostené Victoria i Jorge den nan trabounan.
Polis di Bario semper ta traha huntu. E repartishon di e otro barionan ta
keda meskos:
Quinlan de Lanoy – Rincon, Tras di Montaña, Sabadeco, Kaminda
Turístiko (Toeristenweg), Playa Grandi, Gotomeer i besindario,
Washington Park i besindario.
Irvin “Lee” Anthonij – Nort Saliña, Hato, Republiek, Nawati i Bona Bista.
Laurienne Francis – Nikiboko, Sabana, Lagun Hill, Amboina, Tanki
Matrimonio, Nieuw Amsterdam, Mamparia Kutu, Bario Wanapa, Lac i
Sorobon.
KPCN ta deseá Victoria Melaan i Jorge Wanga hopi éksito den nan ròl
nobo.