BONEIRO : Plan nobo pa tereno di Less Indians: bibienda y deporte

E tereno di club di beisbòl Less Indians ta haña un destinacion nobo. Directiva di e
club y diputado Peter Silberie a bay di acuerdo cu un plan pa vivienda social y facilidad deportivo
moderno. Gobierno lo tuma maneho di e sitio pa haci esaki posibel.
Vivienda y deporte
Den un reunion cu diputado, directiva di Less Indians mes a propone pa duna e tereno bek na
gobierno. E miembronan di directiva ta desea pa gobierno ehecuta e plan di desaroyo den
colaboracion cu Fundacion Cas Bonairiano (FCB). Meta di e plan aki ta pa uza henter e tereno pa
construccion di vivienda social.
Diputado Silberie ta sostene e plan aki. Gobierno ke pa inclui espacio pa deporte y recreacion den
cada proyecto di construccion nobo. Esaki ta pas bon cu e bario, ya cu a traha recientemente hopi
cas pa varios grupo meta.
Un luga pa tur hende
Riba e tereno tin ya caba un area deportivo cu mucha y adulto ta uza frecuentemente. Gobierno kier
mehora y amplia e facilidad deportivo aki. Esaki lo crea un area caminda habitante di bario por biba
dushi y practica deporte hunto. Awor tur partner ta bay traha hunto pa desaroya e plan final pa e
tereno.