HULANDA Lelystad, 8 Januari 2026
E tribunal di Midden-Nederland a sentencia un tata y su dos yiu homber nan pa asesinato di nan ruman y yiu muhe di 18 aña di edad. E tata a ricibi 30 aña den prizon, mientras cu e dos yiu homber nan a ricibi 20 aña. E yiu homber nan tabata participa den plan pa asesina di nan ruman
Suceso
Riba 28 di mei 2024, un boswachter a haña e curpa di e yiu muhe den natuurgebied di Oostvaardersplassen. E tabata mara y cu ducttape y benta riba su stoma den awa. Investigacion a mustra cu tabata un conflicto di famia pa basta tempo,e decisionnan y e manera di comportacion di e yiu muhe / ruman muhe ta wordo desaproba den famia specialmente su deseo pa no bisti “hoofddoek: y con e ta anda cu mucha homber. Tambe pa basta tempo caba otro famia tambe tabata rabia cu su comportacion. Sinembargo pa basta aña e famia ta ricibi ayudo social.
E famia a rabia hopi mas na momento cu e hoben di 18 aña a dicidi di subi Tiktok y y a papia riba su famia cu nan ta rabia riba dje debi cu e anochi di 25 y 26 di mei 2024 a bay live riba TikTok sin Hoofddoek y a papia riba su famia. Investigacion ta indica cu riba e anochi di 27 di mei na e cas di e hoben na Rotterdam e dos ruman homber nan a bin buske y a hiba e hoben na Oostvaardesplassen. Esaki ta mustra cu e tabata un plan pensa.
Conclusion di Tribunal
Tribunal a keda cu tur tres persona tabata responsabel pa asesinato. Evidencia di DNA a mustra participacion directo di e tata y evidencia ta mustra cu e yiu homber nan tabata complice den transporta y prepara e luga di crimen. Tribunal no a kere e relato di yiu homber nan di su participacion limita, pero cu tabata complice hunto cu e tata di e intencion pa a mata nan ruman, tur e evidencianan a haya den e chatnan cu tabatin entre e ruman homber nan y e tata di con y kico mester a haci y hasta ta menciona pa kita evidencia di telefon.
Tambe den e investigacion bou di e huña di e yiu muhe nan a haya DNA di e tata y tambe riba e tape di mas of menos 18.5 meter tambe a haya DNA di e tata cu den tribunal ta kere cu ta e tata a mara e hoben y un di e yiu homber nan a bay den e awa, e otro ruman homber te ainda no por a conclui cu e tabata presente na momento di e crimen, pero hues ta haya cu e tin suficiente prueba cu e tambe a participa na mata su ruman muhe mirando hunto cu su ruman homber a bay busca su ruman muhe na Rotterdam.
Na final di e crimen tambe hues ta mira cu e ruman no a trata di yuda e otro ruman pa kita evidencianan y yuda e tata pa e huy y tur esakinan ta pone cu ta forma parti tambe di e crimen comite cu su ruman muhe. E ruman nan no kier a proteha nan ruman muhe contra di e rabia di e tata, asina nan a declara tambe.
E caso aki ta un caso lamentabel unda cu e ta un caso premedita y cu conocemento cu e tata a bay mata su propio yiu y e rumannan a mata nan propio ruman, un plan di tres hende homber cu sa cu nan lo bay comete e acto aki dus nan ta “medeplegen van moord”
Tambe hues ta haya cu e morto cruel aki ta un plan familiar y cu “e honornan di famia tabata tin un influencia significante” cu a conduci e morto di e hoben di 18 aña. “Ademas, e caso aki por wordo considera un ‘femicidio’
Hues a tuma e acto aki di e tata hopi na malo y pesey mes a duna un sentencia 5 aña mas halto di loke ministerio publico a pidi. Despues cu e tata a comete e crimen e la huy for di Hulanda ya bay Syrie un Pais cu Hulanda no tin ningun relacion di asistencia huridico cu Syrie.
Mientras cu e ta papia yen di honor, e no a tuma ningun forma di responsabilidad pa su accionnan y a laga su famia den un estado deplorable.” Na Hulanda.