Diabierna, Minister di Salubridad, Asunto Social, Cuido di Adulto Mayor y Maneho di
Adiccion, sra. drs. Melvin Wyatt-Ras, hunto cu diferente partner den cuido, a firma un
Memorandum of Understanding (MoU) pa fortalece un modelo durabel di cuido medico
specialisa na Aruba. Esaki ta marca un momento historico pa e sector.
E MoU a wordo firma hunto cu instancianan clave den e sector di cuido medico specialisa. Esaki
ta inclui e Uitvoeringsorgaan Algemene Ziektekostenverzekering (AZV), Dr. Horacio E. Oduber
Hospital (HOH), Instituto Medico San Nicolas (ImSan), Vereniging Medisch Specialisten Aruba
(VMSA), Asociacion di Specialista Hospital di Aruba (ASHA), Arubaanse Vereniging van
Specialisten in Dienstverband (AVSD) y ImSan’s Specialist Association Aruba (ISAA). E
colaboracion amplio aki ta subraya e importancia historico di e acuerdo.
Cu firmamento di e MoU, e Ministerio a confirma su liderazgo y su compromiso pa acompaña e
implementacion di e acuerdonan cu ta enfoca riba cooperacion structural, confiansa mutuo y
responsabilidad comparti, cu tin como meta pa sigura un sistema di cuido medico specialisa cu ta
sostenibel, transparente y cu ta pone e bienestar di e pashent central.
Segun Minister Melvin Wyatt-Ras:“E MoU aki ta demostra cu colaboracion y compromiso concreto por contribui na un sistema di cuido medico specialisa mas fuerte pa Aruba. Esaki ta un paso importante pa sigura cu cuido ta keda accesibel, di bon calidad y financieramente sostenibel pa nos pueblo.”
Comunicado di Prensa Gabinete AVP–FUTURO
