Awe den oranan di mainta, Cuerpo Policial di Aruba a informa cu e isla a registra su di tres morto di trafico pa aña 2026.
Diamars mainta pa mas o menos 9:15, Central di Polis a wordo notifica di un accidente grave riba e caminda principal di Seroe Teishi. Segun e prome informe, un auto a bolter for di caminda, despues cu e chauffeur aparentemente no a reacciona a tempo.
E conductor a wordo transporta di urgencia pa hospital, pero lamentablemente, awe diaranson mainta pa mas o menos 8:35, polis a confirma cu e chauffeur a fayece como consecuencia di e heridanan sufri.
E victima ta e hoben Ronal Heredia Heredia, naci riba 30 di april 2008 na Republica Dominicana, di 17 aña di edat.
Cuerpo Policial di Aruba ta sigui investigando e causa di e accidente.