PoliticaFeaturedLocal

Refineria di Aruba por bira di dos pilar economico pa e isla Aruba

Flexibilisacion Pa Ken Nos Ta Trahando Pa Aruba Of Pa Esnan Cu A Kibra Ley 2

Parlamentario Endy Croes di MEP ta indica cu e Refineria pa Aruba por bira un di dos pilar economico esencial pa e isla, mirando e cambionan reciente den e panorama petrolero mundial y e oportunidadnan strategico cu ta surgi den e region.

Croes a indica cu mundo por a mira cu desde 3 di januari 2026, Merca a aparta presidente Venezolano Nicolas Maduro for di mercadonan internacional, un desaroyo cu ta mustra cu e industria petrolero global ta den un fase di transformacion. Segun e parlamentario, oportunidadnan manera esaki no ta bati porta mas cu un biaha, y Aruba mester probecha di e momento historico aki.

Den e contexto aki, Croes kier manda un mensahe cla y firme. E fraccion di MEP a sigui cu atencion un reunion cu a tuma luga na 9 di januari, unda presidente di Estados Unidos, Donald Trump, a reuni cu 17 companianan petrolero multimilionario.

Durante un conferencia di prensa, presidente Trump a declara cu e companianan cu logra un acuerdo cu e gobierno Mericano lo inverti cerca di 100 biyon dolar Mericano den infrastructura petrolero na Venezuela. Esaki ta inclui renobacion di refinerianan, manera e refineria cu tin na Aruba, cu actualmente ta den un estado di deterioro y cu mester inversion pa bolbe operacional y aumenta su capacidad di produccion.

Venezuela tin mas di 330 mil miyon bari di reserva petrolero, representando aproximadamente 55% di tur reserva mundial, e proceso pa extrae tur e petroleo aki por dura mas cu 1.300 aña, loke cu ta mustra cu e plannan cu ta traha riba nan ta di largo plazo.

E companianan petrolero tambe a pidi garantia di siguridad pa nan empleadonan riba teritorio Venezolano y un cambio den e marco comercial actual, incluyendo algun ley di hidrocarburo. Presidente Trump, segun Croes, a duna garantia cu e gobierno Mericano lo traha riba e cambionan aki, mientras cu e companianan a confirma nan compromiso pa e inversion multimillonario.

Trump a mustra interes tambe den e tempo cu lo tuma pa cuminsa cu e inversionnan. Segun informacion presenta, un team tecnico lo wordo instala den un siman pa haci e prome inspeccionnan na Venezuela.

Tur e 17 companianan presente a mustra interes pa forma parti di e plan di renobacion di refinerianan Venezolano. Den e reunion tambe tabata presente e compania cu actualmente tin e concesion pa gasolin, diesel y jetfuel na Aruba esta TRAFIGURA, hunto cu su CEO.

Croes a subraya cu Aruba mester tuma un posicion reflexivo y strategico. “Aruba ta buscando un di dos pilar economico for di hopi aña caba,” el a bisa. “E proceso cu ta desaroya den nos region ta crea un oportunidad unico pa Aruba bolbe duna balor na su refineria y fortalece su economia.”

E parlamentario a critica iniciativa reciente pa desmantela e refineria. El a menciona cu prome minister Mike Eman a pidi prome minister demisionario Schoof fondo pa desmantelacion, motiva door cu ministernan Geoffrey Wever y Gerlien Croes kier sigui depende solamente di turismo como unico pilar economico, cu incluso idea di construi hotel riba e tereno di refineria.

Sinembargo, segun Croes, Aruba no mester laga e oportunidad aki pasa. El a compara e situacion cu Corsou, cu a tuma e oportunidad “cu brasa habri”. El a conclui cu Aruba mester pensa den interes di su pueblo, creando un segundo pilar economico sostenibel pa garantisa un nivel di bida mas halto y stabilidad economico pa su ciudadanonan.

Related posts

Fraccion di AVP no lo participa na sesion organisa pa PPA tocante HOFA

EA News Author

Minister Geoffrey Wever ta dies tuma loke Hulanda ofrece dies pa haya 3.5% ten costo di e libertad di Aruba

EA News Author

Prome Minister Evelyn Wever-Croes: Delegacion di Aruba ta reuni cu ‘Insituut Voor Publieke Economie’

EA News Author

Leave a Comment

Whatsapp Message