PolicialFeaturedLocal

Relaciona cu e casonan di trafico den Corte diahuebs awor: Chens pa paga te cu 17 januari venidero

Corte Aruba

Ciudadonan atento sigur a nota caba cu Polis ta sacando otro tipo di boet di trafico awendia, caminda e agente policial ta traha un asina yama OPV (oproepingsprocesverbaal) cu e ta duna e persona cu a comete
un infraccion den trafico eynan mes den su man. E version nobo aki di boet di trafico ta two-in-one. E ta 1. un boet of proces-verbaal pa un infraccion di trafico y 2. Un oproeping of yamada pa presenta dilanti Huez.
Esey kier meen cu e ciudadano no tin mester di warda mas pa haya un carta di Ministerio Publico na cas
pa haya sa con halto su boet ta. E agente policial ta marca e suma mes ora pa e por wak.

Kier meen tambe cu hende no tin cu warda mas pa haya un yamada (un asina yama oproeping) di Ministerio Publico na cas pa presenta dilanti Corte. Riba e OPV, net bao di e datonan personal, por wak e fecha y ora y lugar cu e tin cu presenta dilanti Huez. Riba e formulario ta para alavez e number di e OPV. Pesey cu ta mucho mas facil pa paga cu antes, pasobra ya caba hende sa e suma y e number di OPV, loke ta net e informacion cu mester tin ora yega na caha di Ministerio Publico pa paga of ora paga online (via cuenta bancario 4000905 na Arubabank). Ministerio Publico a ripara cu hopi ciudadano ta realiza nan mes una vez nan ta para dilanti Huez, cu eigenlijk nan por a paga caba y kita e cos foy man mucho mas prome. Hende ta kere ainda cu nan tin cu warda pa haya carta na cas di Ministerio Publico. Pesey e relato di prensa aki!

Si bo persona comete un infraccion den trafico y polis para bo, e agente policial lo skirbi un OPV y duna bo den bo man. Desde e momento ey bo persona tin tempo pa (eventualmente den terminonan) paga te 1 dia prome cu e fecha riba cual bo tin cu presenta den Corte. Si abo ta un di e personanan cu mester presenta dilanti Huez riba Diahuebs venidero 18 di januari, anto bo tin te Diaranzon 17 di januari tempo pa paga e transaccion. Esey ta bo deadline! Claro cu ta asina cu si bo persona no ta de acuerdo cu e boet cu bo a haya, bo por papia esaki cu Huez; bo no tin mester di page ainda. E oproeping ta bin na cancela una vez e cliente paga.

Corte Aruba

Related posts

Te cu 29 di december por registra cambio di 2022: kvk ta urgi tur empresario pa actualisa e datos di e negoshi

EA News Author

Artista Omaira Silva ta traha un obra special na biblioteca

EA News Author

Prome Minister Evelyn Wever-Croes: Land Aruba Academy ta ofrece empleadonan publico e oportunidad pa desaroya nan habilidad y talentonan laboral

EA News Author

Leave a Comment

Whatsapp Message