Local

Ruthy”Lady Ruth”Vrieswijk-Bergen: Sabiduria den nos alegria


Mi esposo y ami ta amantenan ferviente di bon pelicula, pelicula di action, suspenso y mas. Pelicula cu ta pone’bo lubida unda bo ta, cu bo ta hasta sinti cu bo ta parti di e pelicula cu ta pasando riba e “big screen” e momentonan ey. Lady Ruth ta dal su gritonan de ves en cuando of regularmente. Spanta bula sinta riba su stoel. Te na Hulanda, nos a bin tende di e pelicula “Chronic”. Prome, e no a bisa mi nada, pero despues cu mi a tende cu ta un pelicula traha localmente cu mayoria actor y actrisnan local den dje, Lady Ruth a bay wak e pelicula “Chronic” algun dia despues cu nos a bin bek Aruba Suerte e pelicula aki hungando ainda ariba e pantayanan grandi y luhoso di The Cinemas cu su zonidonan fantastico. Wel wel, Lady Ruth a sinta sin move, sin sali bai banjo of cumpra popcorn, wak e pelicula foi cuminsamento te fin cu su wowonan hancho habri . Action, suspsenso,” twists and turns”, you name it, tur tawatatey . Mas ainda, ora mi a nota varios persona cu nos conose, e.o. Beautiful and strong Arvice Dijkhoff , Queen Gianelly Leo , mi bunita amiga Luty Martinez tremendo actris den varios pelicula y short films caba  y e gentil caballero Peter Auwerda. Hopi great pa a wak nan actua asina bon, asina bunita. Nos hendenan por, anto con ! Arvice ta yui muhe di un bunita prima di mi y Gianelly tawata un welpie scout tempo di su tempo di mucha den nos grupo Kimball O’hara y awor, tur dos sernan femenino precioso cu a luci riba pantaya. Un pe banda di e “bandidonan” y un pe banda di e “bon nan “ , Gianelly cu a hasi tur cos pa hanja su yui muhe bek. Luty como e dokter. “Awesome !” Y hasta notaris Taekema Rodriguez y su kantoor bunita “Sucu” por a wak den e pelicula aki. E tawata e secretaria.  E pelicula a vloei vlot, hinka bon den otro, accionnan tawata sigui trai otro den un forma profeshonal, mescos cu un pelicula di Merca , hopi bon filma. E location, e tema di pedofile cu ta algo hopi preocupante aki na Aruba tambe, hey shonnan , nos no por sera wowo pa cosnan cu sa y ta pasa den bida. E tema, e storia, cambiando di un ecena pa otro, e musica, sonido, e dialogonan, e localidadnan, e accion, e emocion, e actuacion di e actor y actrisnan tur ta impresionantemente fantastico ! E team di recherche polisnan, tur a duna di nan mes 100 porciento y mas. Aruba cu otro pelicula cu no ta “short films” ta resalta ! E ta un pelicula “mahos” bunita y bon filma. Un tema doloroso, un tema mahos. Pero  por subi e mercado internacionalmente cu su onder titelnan na ingles.  Nos a hasta hari un crenchi pa e huez, e “varkentje”. O, o, ki creatividad pa un “nick name” asina pa un persona den un funcion asina halto. Pabien na henter e team dinamico cu a forma parti den e pelicula aki “Chronic”. E ekipo di filmacion completo y tur tur tur e actris y actornan. Pabien ! Aunke Lady Ruth ta prefera un love story, un comedy pa hari un crenchi, nos a scoge pa bay wak Chronic. Pasobra, de ves en cuando un pelicula di hopi action, suspenso cu “twists and turns” ta lague realisa cu bida no ta solamente rosa, pero sumpinja tambe. 

Nos a tende tambe cu e Musical Show di Maria College ta una beyeza pa scucha y wak. Esey nos falta pa bay wak ainda Dios mediante y tambe e Comedy “Amiga pa semper” bau guia y supervision di mi amiga sis Faritah Luydens, cu lo tuma lugar den luna di September venidero den Cas di Cultura. Y sin falta e grandioso expo di potret di Rob Vermeer di Checkpoint Color cu su 50 anjanan den su profeshon, na luna di Augustus venidero.  Danki pa lesa nos relato. Pasa un dushi dia yen di sabiduria den nos alegria. Stay safe ! Love you too !

Related posts

Lista nobo di remedi ta riba website di AZV caba

EA News Author

Ayudo adicional pa muchanan cu limitacion ta urgente!

EA News Author

Aruba Tiger Baseball Organisation ta presenta Baseball for Kids

EA News Author

Leave a Comment