Ahaaaaa! Un bunita dia liber ta dilanti porta, cu e celebracion di Dia di Betico, dia 25 di Januari.
Nos no sa si tin espacio pa mi relato prome cu dia 25 di Januari, pero, nos ta bay comparti un poema cu Lady Ruth a skirbi pa e dia aki, hopi anja pasa, cu ta publica den su buki “Sigui…inspira pa duna”cu ainda ta obtenibel na nos librerianan local den Dakota. Nos a corda riba e poema aki, ora cu un juffrouw di scol Sta. Anna a yama nos pa para como hurado pa nan contest di poema tocante Betico,( awe dfm) , Diaranzon dia 24 di Januari hunto cu un of mas persona. Segun nos por a comprende, nos ta reemplaza un of otro Poeta of artista, cu no por bay para como hurado e dia aki. Nos ta ketobay ex-lider scout, “be prepared” of “weest paraat”pa cualkier situacion cu por presenta den cual nos por yuda di curason. Gustosamente nos ta help nan out.
Ata aki e poema titula:
”BETICO, UN ARUBIANO DI CURASON”
Un dia special, pa hopi ta asercando, recordando
Un Arubiano cu a destaca
Den su trabaonan como politico realisa
Un dia pa pueblo celebra cantando, faltando
Keto bay amor hamas lubida
Pa su carisma como un bon hende stima
Un dia pa lidernan, reflexionando sperando
Cu su ehempelnan, palabranan preferi
Ni cuanto, ni na unda, balornan a bay perdi
Un dia pa nos muchanan na scol, sinyando, comunicando
Cu fe den Dios como e rais
Keto bay cu balor den e amor pa nos pais
Un dia pa nos obreronan obrando , logrando
Di mantene nan famia ariba pia
Y sigui biba felis cu otro den harmonia
Un dia di mas inspiracion, yegando pensando
Hunto cu e Arubianonan cu no t’ey mas
Pa hunto sigui recorda y reza pa paz
Un dia, pa ami, Lady Ruth, ta recitando
Pa mi sigui expresa den nos anya cultural
A traves di mi poemanan pa mi Aruba special.
Dushi Aruba, celebra sanamente den balans. No bebe ora bo ta stuur, bo yega cas sano y salvo.
Nos grupo di amiganan di “Childhood” di anjanan sesenta ya a cuminsa celebra e dia di Betico .
Y un di nos bisinjanan, Tia Majorie Eman, recientemente a celebra su di 90 cumpleanos felis !
Cu salud, bendicion, alegria y sabiduria pa Tia Majorie ! Pabien Aruba ! Ban sigui celebra BIDA ! Pasa un dushi dia, un bon siman. Un “bearhug” di Lady Ruth pa boso tur !!!!
