Open Monumentendag 2025 cu lo a tuma lugar na San Nicolas diadomingo ultimo no tabata exitoso. E Apertura oficial tabata 10:30 di mainta y e actividad nan lo tuma luga te cu 17:00 y tabata hopi bashi.
Sinembargo loke cu por a tuma nota di dje ta un caya basta bashi na un evento asina importante y educativo pa e comunidad di San Nicolas ta significa algo. Mayoria personanan cu tabata presente tabata e mes un personanan cu a participa na e evento mes cu baile y informacion. Tambe prome minister Mike Eman tabata presente cu su team pero no tabatin e pueblo di San Nicolas manera ta un custumber na momento cu tin actividadnan grandi na San Nicolas prinsipalmente na momento cu prome minister ta bishita San Nicolas.
Pueblo di San Nicolas ta rabia ? Mayoria biaha ta na tipo di actividad nan asina e pueblo ta mustra nan malcontento silenciosamente.
Den e siman cu ta bin lo mira con e actividad di Ban Caya lo ta pa asina mira kico ta e mensahe cu e pueblo ciudadano di Aruba ta manda pa gabinete AVP –FUTURO.
Sinembargo mester bisa si, aunke cu hopi hende no a presenta na e actividad esaki no ta nifica cu e actividad no ta bon organisa, alcontrario Monumentendag 2025 tabata bon organisa y tabata pa prome biaha den bario di San Nicolas unda cu a pone disponibilidad pa grandi y mucha bishita diferente monumentonan y a haya diferente bishitanan, pero a spera hopi mas cu San Nicolas por a Sali y comparti cu famia e diadomingo special aki. Sinembargo pa cada actividad cu keda organisa lo haci un evaluacion pa asina mehora y anima Aruba completo riba e balor historico cu Aruba tin. Nos mester sa di unda nos ta bin pa nos sa unda nos ta bay.
