LocalSocial

Scirbi pa Pastor Marcel Balootje TRAHA UN LUGAR PA CRISTO HESUS DEN BO CURAZON.

Pastoor Baloontje

Ta mas cu 2000 anja pasa cu Dios a manda su unico yiu, pa ken cu kere den djE no bay perdi ma hanja
bida eterna.
Hopi a scucha, hopi a tende y hopi a lesa, pero te ainda tin hopi cu no kier kere, tin hende kier mescla
Cristo cu idolatria, tin ta bisa cu nan ta sirbi Dios manera nan kier, tin ta pensa cu ora bo entrega bo bida
na Cristo, bo a bira kens, laf, pasobra e parranda, bebemento, infieldad tur eseynan no porta den e bida
cu bo tin den Cristo. ( Marco capitulo 2 vers 22).
Bo no por mescla bo bida nobo den Cristo Hesus cu bo cosnan di bo bida bieuw, pasobra e ta bira
manera zeta cu awa, nan no ta mara hunto.
Nos ta bibando den un tempo cu claramente esun cu tin wowo ta mira y esun cu tin orea ta tende cu nos
mester di Cristo Hesus den nos curazon.
Y nos bon Dios tabata sa esey , y pesey E como Tata a manda su unico Yiu, pa nos .E no a bini pa condena
nos E a bini pa salba nos.
Den Cristo Hesus nos tin pordon di pica, salbacion y bida eterna, pesey E a muri na cruz y lanta despues
di 3 dia for di morto.
Awor tin hopi dios falso aki bao na mundo, tin hende hasta internet of nan telefon ta nan dios, otro ta
nan placa ta nan dios, tin ta kere cu cierto hende ta nan dios .Pesey nos ta invitabo pa lesa Salmo 121
completo y sabi ken ta bo Dios. Dios Todopoderoso y Eterno.
Pasobra ta para scirbi y a keda proba cu e ta e unico Dios cu ta Sana y ta libera hende for di enfermedad
y gara di e diabel.
Den e tempo di pandemia aki bo no ta tende ningun hende ta yama otro nomber y ta solamente bo ta
tende rond mundo ‘’Dios yuda nos’’.
Nos ta mira hopi decadencia den Famia, cosnan cu nunca nos a kere cu lo sosode, ta sosodiendo awor cu
frecuencia, hopi maldad, hopi perversidad, cosnan cu nunca nos grandinan tabata papia di dje, awor
den e tempo aki , ta tumando lugar.
Pero tambe nos a wordo avisa di dje, den 2 Timoteo 3 vers 1-9 tocante tempo trabahoso, y cu tur
consecuensia den 1 Corintionan 6 vers 9 -10 y tambe den Galationan 5 vers 19 -22, tur locual ta para
scirbi no ta pa condena hende , pero pa hende por realisa cu tin un oporunidad pa arepenti y sali for di
maldad , entrega bida na Cristo Hesus y wordo salba.
Tur cos ta saliendo na cla, y no tin nada cu ta keda scondi, Cristo Hesus Ta e unico alternativa pa nos
bida, no tin otro caminda pa salbacion, no tin otro recurso, no laga ningun hende gañabo.

Muri sin Cristo ta nifica bay perdi di un forma netji bisa , pero e gran berdad ta y e ta para scirbi den
Lucas capitulo 16 vers 19-31.
Abo como mayor bon ta sinti un gana pa abo y henter bo famia, por ta hunto den cielo, den e bida
eterna cu Cristo Hesus ta ofrece?

Related posts

Cas di Cultura ta start cu eventonan chiquito

EA News Author

Evelyn Wever Croes: Continuacion di gobernacion di MEP pa un pais stabil ta nesesario

EA News Author

Tin hopi hende a keda cu efecto di vacuna pero ningun hende no ta papia

EA News Author

Leave a Comment

Whatsapp Message