Riba 25 di ougùstùs 2025 na Boneiru
SHE Leads in Business ta na Boneiru riba dia 25 di ougùstùs 2025 despues di kuater edishon sumamente eksitoso di SHE Leads Conference na Kòrsou. Silvetty de la Paz i su tim ta organisá e prome edishon di SHE Leads in Business spesial pa nos hende muhénan na Boneiru i ta enfoká riba kresementu profeshonal, transformashon,i konose bo liderasgo personal. E tema pa e konferensia na Boneiru ta ‘Leadership & Trust’.
Silvetty de la Paz ta organisadó di SHE Leads Conference i alabes e orador pa e aña aki. Silvetty ta un entrepreneur, propietario di Nostra Growth i Fémina ku un pashon pa liderazgo femenino. Pa medio di su kompanianan Silvetty ta guia vários lider den nos komunidat pa nan por bira e mihó vershon di nan mes, hasiendo uso di nan abilidatnan i potenshal máksimo. Durante SHE Leads Conference Silvetty lo elaborá mas riba liderazgo outéntiko i for di konfiansa, i kiko esaki a nifiká pa su mes formashon.
SHE Leads in Business 2025 ta tuma lugá riba djaluna, 25 di ougùstùs. Karchinan i paketenan ta disponibel via link di registrashon.
Pa mas informashon, sigui SHE Leads Conference i Silvetty de la Paz via Facebook i Instagram pa mas informashon relashoná ku e konferensha ku ta empoderá nos hende muhé i lidernan femenino den Karibe.
Esaki ta e momento pa abo invertí den bo mes i bai e ‘next level’ den bo liderazgo.
