.
St Maarten su casonan di COVID 19 tambe a subi. Ayera dia 3 di oktober tin cuater persona mas cu a test positivo y cu ta suma den total casonan activo na 84 caso.
Actualmente e total di casonan cu a keda confirma for di maart ta 678 caso , esnan cu ta keda controla dor di (CPS) cu ta keda monitoria constantemente na cas den isolacion ta 80 persona. Tin tres persona hospitalisa na St Maarten Medical Center y un di e personanan ta keda monitoria apart na e medical center.
Tin un total di 22 persona cu a fayece dor di COVID 19 na St Maarten. E cantidad di personanan cu a recupera di e COVID 19 for di e prome caso cu a surgi ta un total di 572 persona. For di esaki tin 240 persona cu a bay den carentena basa di e contact tracing cu a haci.