Awe ta e gran dia pa tur e muchanan di 5de klas basisschool aki na Aruba cu ta bai participa na e Landelijk Schoolverkeersexamen. Pa e mes un ocacion aki e instructornan di Aruba Driving School tambe a tuma e examen aki hopi na serio pasobra ta e mes un muchanan aki ta nos futuro chauffeurnan di mañan. Pa e mes un motibo aki e instructornan, bao guia di Jairo Maduro a duna un workshop di verkeer na diferente schoolnan pa asina nan lo ta miho prepara pa nan examen.
Aruba Driving School tur aña ta pasa na diferente school pa duna e workshop aki gratuitamente pa asina engrandece e conocimiento di nos studentnan riba e tema di verkeer.
Un danki special na e docentenan y cabesantenan di e schoolnan cu a deposita nan confianza den Aruba Driving School y muy en particularmente na Jufr. Yentl y Shannon cu a realiza e tremendo trabao aki.
Nos di redacción y tambe full e staff y personal di Aruba Driving School ta desea tur e 5de klassers nan tur clase di exito cu nan examen.
